एका बाजूला मनसे अध्यक्ष राज ठाकरे आणि शिवसेना उद्धव बाळासाहेब ठाकरे पक्षाचे प्रमुख उद्धव ठाकरे यांच्या मनोमिलनाच्या चर्चा सुरु आहेत. महाराष्ट्राच्या मनात आहे तेच होणार, असे म्हणत उद्धव ठाकरे यांनी मनसेसोबत युतीचे संकेत दिले आहे. त्याचवेळी या संभाव्य युतीच्या चर्चांमुळे उपमुख्यमंत्री एकनाथ शिंदे चांगलेच दुखावले आहेत. यापूर्वी शिंदे यांना या संभाव्य युतीबाबत प्रश्न विचारला असता चिडलेली प्रतिक्रिया दिली होती. आता शिंदे यांनी राज ठाकरे यांना मोठा धक्का दिला आहे.
2017 मध्ये मुंबई महापालिकेच्या निवडणुकीत मनसेचे 7 नगरसेवक निवडून आले होते. पण निवडून येताच यातील 6 नगरसेवकांना तत्कालिन एकत्र शिवसेनेत प्रवेश केला होता. राज ठाकरे यांच्यासाठी हा मोठा धक्का होता. एकमेव नगरसेवक संजय तुर्डे यांनी राज ठाकरे यांच्यासोबत राहणे पसंत केले होते. राज ठाकरे यांचा एकखांबी तंबू म्हणून तुर्डे महापालिकेत मनसेचे प्रतिनिधीत्व करत होते. पण आता याच तुर्डे यांना एकनाथ शिंदे यांनी गळाला लावलं आहे. संजय तुर्डे यांनी शिंदे यांच्या नेतृत्वात शिवसेनेत प्रवेश करण्याचा निर्णय घेतला आहे.
मिळालेल्या माहितीनुसार, आज ठाण्यामध्ये त्यांचा पक्षप्रवेश पार पडणार आहे. उद्धव ठाकरे यांच्यासोबतच्या युतीच्या चर्चा सुरू असतानाच शिंदे यांनी राज ठाकरे यांना हा मोठा धक्का दिल्याचे मानले जाते. शिवसेनेतील बंडानंतर एकनाथ शिंदे आणि राज ठाकरे यांचे मधूर संबंध राहिले होते. दोघेंही एकमेकांच्या भेटीगाठी घेत होते. एकनाथ शिंदे यांच्यासोबत, उदय सामंत आणि अन्य शिवसेना नेते राज यांच्या भेटीसाठी त्यांच्या घरीही जात होते. पण उद्धव ठाकरे यांच्यासोबतच्या चर्चांमुळे एकनाथ शिंदे चांगलेच दुखावले असल्याचे बोलले जाते.
नुकतेच या युतीबाबत पत्रकारांनी उपमुख्यमंत्री एकनाथ शिंदे यांना प्रश्न विचारला असता त्यांनी हात जोडले अन् म्हणाले, महायुती मजबुती लढणार आणि जिंकणार. शिंदे यांनी राज-उद्धव यांच्या युतीबाबत एक शब्दही बोलणे टाळले. मुख्यमंत्री देवेंद्र फडणवीस यांनी देखील ठाकरे बंधुंच्या युतीबाबत विचारले असता ते म्हणाले, यावर प्रतिक्रिया देण्याबाबत माझा काय संबंध येतो त्यात? ते आपसांत ठरवतील की साथ, प्रतिसाद द्यायचा की नाही ते. आता तरी यावर प्रतिक्रिया देण्यालायक मला काही वाटत नाही. त्यामुळे यावर मी योग्यवेळी बोलेन.'
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.