शिंदे-फडणवीसांची वक्तव्ये म्हणजे बाजारातील उधारीचा माल....

मुंबई : महाविकास आघाडीचे सरकार पाडण्यासाठी दोन नाईटकिंग काम करत होते, असा हल्लाबोल करून शिंदे फडणवीस यांची वक्तव्ये म्हणजे बाजारातील उधारीचा माल आहे, अशी टीका शिवसेना खासदार संजय राऊत यांनी केली आहे.

मुख्यमंत्री एकनाथ शिंदे यांच्या नेतृत्वाखाली शिवसेना व भाजपचे नवे सरकार सत्तेत स्थापन झाल्यानंतर शिंदे व फडणवीस यांनी संजय राऊतांवर टिकेची झोड उठवली होती. याबाबत खासदार राऊत यांना विचारले असता त्यांनी मी एकनाथ शिंदेंविषयी बोलणार नाही, असे स्पष्ट केले.

तर महाविकास आघाडी सरकार पाडण्यासाठी दोन नाईटकिंग काम करत होते, असा हल्लोबोल करत शिंदे फडणवीस यांची वक्तव्ये म्हणजे बाजारातील उधारीचा माल असल्याने स्पष्ट केले. संजय राऊतांनी सामनातून मुख्यमंत्र्यांसह फडणवीस यांच्यावर टीकेची झोड उठवली आहे.