Shivsena Politics : आगामी महापालिकेच्या निवडणुकीच्या पार्श्वभूमीवर उद्धव ठाकरे अन् राज ठाकरे एकत्र येणार असल्याच्या चर्चा आहेत. राज ठाकरेंना युतीसाठी अधिकृत पत्र पाठवणार असल्याचे देखील शिवसेना उद्धव बाळासाहेब ठाकरे पक्षाकडून सांगण्यात येत आहे. त्यामुळे शिवसेना उद्धव बाळासाहेब ठाकरे पक्ष आणि मनसे एकत्र येणार का? या विषयी चर्चांना उधाण आले आहे. दोन्ही पक्ष अधिकृत युती करणार की नाही याची स्पष्टता नसताना मात्र डोंबिवलीमध्ये दोन्ही पक्ष एका आंदोलनासाठी एकत्र येणार असल्याची शक्यता निर्माण झाली आहे.
मागील काही वर्षापासून संथ गतीने काम सुरू असलेला पलावा पूल वाहतूकीसाठी खुला करण्यासंदर्भात शिवसेना उद्धव बाळासाहेब ठाकरे पक्षाकडून आंदोलनाची हाक देण्यात आली आहे. आज (शनिवारी) पलावा पूला जवळ हे आंदोलन होणार आहे. विशेष म्हणजे मनसे कार्यकर्ते देखील या आंदोलानाला उपस्थित राहण्याची शक्यता डोंबिवलीच्या राजकीय वर्तुळात आहे.
मनसेकडून याबाबत अधिकृत माहिती जाहीर करण्यात आली नाही. मात्र, मनसेचे कार्यकर्ते या आंदोलनाला उपस्थित राहिली तर ठाकरे बंधुंच्या मनोमिनाची सुरुवात डोंबिवलीमधूनच होणार, असे सांगितले जात आहे.
शिवसेना उद्धव बाळासाहेब ठाकरे पक्षाकडून आंदोलनासंदर्भात दिलेल्या निवेदनात म्हटले आहे की, पलावा पूल खुला करण्या संदर्भात स्थानिक लोकप्रतिनिधींकडून वारंवार खोटी आश्वासन दिली जात आहेत. पूल खुला होत नसल्याने नागरिकांना कोंडीचा सामना करावा लागतो आहे. लोकांना मोठ्या प्रमाणावर मानसिक आणि शारीरिक त्रास होत आहे. या विषयी निषेध करण्यासाठी शनिवारी सकाळी साडेदहा वाजता पलावा उड्डाणपूलखाली नाकर्ते लोकप्रतिनिधी आणि प्रशासकीय अधिकारी यांच्या विरोधात आंदोलन करण्यात येणार आहे.
सुप्रीम कोर्टाने चार महिन्यांमध्ये स्थानिक स्वराज संस्थांच्या निवडणुका घेण्याचे निर्देश दिले आहेत. त्यामुळे ऑक्टोबर-नोव्हेंबर महिन्यात महापालिका निवडणुका होण्याची शक्यता वर्तवली जात आहे. महायुतीकडून निवडणुची तयारी सुरू करण्यात आली असून भाजप मुंबई, ठाणे, पुणे महापालिका स्वबळावर लढण्याची चाचपणी करत असल्याची चर्चा आहे.
युती होणारी की आघाडी होणार याच्या भानगडीत न पडता मनसे कार्यकर्त्यांनी निवडणुकीच्या कामाला लागावे, असे निर्देश राज ठाकरे यांनी मनसे कार्यकर्त्यांना दिले आहे. कोणासोबत युती किंवा आघाडी करायचे हे मी पाहून घेईल तुम्ही निवडणुकीची तयारी करा, असे देखील राज यांनी मनसे कार्यकर्त्यांना सांगितले होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.