Video Uddhav Thackeray : 'ते' पराभव उद्धव ठाकरेंच्या जिव्हारी, भर मेळाव्यात बोलले...

Shivsena News :उद्धव ठाकरे यांनी शिवसेनेच्या वर्धापन कार्यक्रमात नरेंद्र मोदींसह एकनाथ शिंदेवर जोरदार हल्ला चढवला. मात्र, काही ठिकाणी झालेले पराभव आपल्या जिव्हारी लागल्याचे उद्धव ठाकरे यांनी म्हटले आहे.

कुठले पराभव जिव्हारी लागले हे जरी उद्धव ठाकरेंनी सांगितले नसले तरी ठाणे, संभाजीनगर, कोकण आणि उत्तर पश्चिम मतदारसंघातील पराभव हे उद्धव ठाकरेंच्या जिव्हारी लागल्याची चर्चा आहे.

उद्धव ठाकरे Uddhav Thackeray भाजपसोबत जातील, असा चर्चा होत असताना ज्यांनी आपल्याला संपवायचा प्रयत्न केला. आपण त्यांच्यासोबत जायचं का? असा प्रश्न विचारत स्वत:चं अपयश झाकण्यासाठी उद्धव ठाकरे एनडीएसोबत जाणार असल्याची अफवा पसरवली जातेय. आपण एनडीए सोबत जाणार नसल्याचे ठाकरेंनी स्पष्ट केले.

भाजपचे हिंदुत्व नकली असल्याची टीका देखील उद्धव ठाकरेंनी केली. शिवसेनेला देशभक्तांची मतं मिळाली. नरेंद्र मोदींनी सत्तेसाठी हिंदुत्व सोडलं. चंद्राबाबू, नितीशकुमार हे हिंदुत्ववादी आहेत का..? जे मांझी म्हणाले राम खोटा आहे त्या मांझींच्या मांडीला मांडी लावून ते बसतात, असे म्हणत ठाकरेंनी भाजपवर प्रहार केला.

फडणवीस, राज ठाकरेंची खिल्ली

महायुतीला बिनशर्थ पाठींबा देणाऱ्या राज ठाकरेंना ते उघडा पाठींबा म्हणजे बीन-शर्टवाले म्हणत खिल्ली उठवली तर, मी पुन्हा येईन म्हणणारे आता जाऊ द्या ना घरी म्हणत आहेत, असे म्हणत देवेंद्र फडणवीस यांना उद्धव ठाकरेंनी चिमटा काढला.