सोमय्यांना कोट्यवधींच्या देणग्या कोण देत आहेत ? ; हिसाब तो देना पडेगा !

मुंबई : शिवसेना (Shivsena) खासदार संजय राऊत (Sanjay Raut) यांनी भाजप नेते किरीट सोमय्यांवर (Kirit Somaiya) आयएनएस विक्रांत घोटाळाप्रकरणी गंभीर आरोप केले आहेत. आज पुन्हा राऊतांनी टि्वट करीत सोमय्यांवर निशाणा साधला आहे. (Kirit Somaiya News)

सोमय्या यांच्या युवक प्रतिष्ठानच्या आर्थिक गैरव्यवहाराची चौकशी करण्याची मागणी राऊतांनी केली आहे. किरीट सोमय्या अँड फॅमिलीला कोट्यावधी रुपयांच्या देणग्या कोण देत आहेत ? असा सवाल संजय राऊतांनी उपस्थित केला आहे. " ब्लॅकमेलर.. blackmailer जेल जायेंगे.."अशा शब्दात राऊतांनी सोमय्यांवर हल्लाबोल केला आहे.

"बात निकलेगी तो फिर दूर तलक जायेगी.!, किरीट सोमय्या अँड फॅमिली ला कोट्यावधी रुपयांच्या देणग्या कोण देत आहेत ? युवक प्रतिष्ठानच्या आर्थिक व्यवहारची चौकधी होईल!ब्लॅकमेलर.. blackmailer जेल जायेंगे..हीसाब तो देना पडेगा! " असं टि्वट राऊतांनी केलं आहे.

भारतीय नौदलातून निवृत्त करण्यात आलेली विमानवाहू युद्धनौका “आयएनएस विक्रांत’चा ६० कोटी रूपयांना लिलाव करण्यात आला. आयएनएस विक्रांत राज्यातच राहावी, जहाज भंगारात न जाता त्याचे संग्रहालयात रुपांतर व्हावे यासाठी किरीट सोमय्यांनी पैसे जमा केले होते. मात्र हे पैसे राज्यपाल कार्यालयात जमाच झाले नसल्याचा आरोप संजय राऊतांनी केला.