Raju Shetty Big Announcement : लोकसभा निवडणुकीबाबत राजू शेट्टींची मोठी घोषणा ; दोन्ही सरकारला कंटाळलो..

Lok Sabha elections Raju Shetty big announcement : ऊस तोडणी सातशे रुपये करावी, ऊस तोडणी मशीन मालकांसाठी लवाद स्थापन करण्यात यावा, आदी मागण्यांसाठी आज आझाद मैदानावर मोर्चा काढण्यात आला. यावेळी मोर्चेकरांना स्वाभीमानी शेतकरी संघटनेचे अध्यक्ष राजू शेट्टी यांनी मार्गदर्शन केले.

राजू शेट्टी यांनी मोर्चानंतर माध्यमांशी संवाद साधला. ते म्हणाले, "राज्य आणि केंद्रातील दोन्ही सरकारला कंटाळलो आहे. त्यांच्यावर शेतकऱ्यांचा आणि जनतेचा विश्वास नाही. त्यामुळे स्वाभिमानी शेतकरी संघटना येत्या निवडणुका स्वबळावर लढणार आहे, " लोकसभेच्या सहा जागा लढणार असल्याच राजू शेट्टी यांनी यावेळी स्पष्ट केलं.

ऊस तोडणी कामगारांच्या विविध मागण्याबाबत सरकारचे लक्ष वेधून घेण्यासाठी राजू शेट्टी यांनी हे आंदोलन केले. या आंदोलनाला खासदार उदयनराजे भोसले यांचाही पाठिंबा दिला आहे. या मोर्चात ऊस तोडणी मजूर, ऊस तोडणी मशीन मालक सहभागी झाले होते.

या पार्श्वभूमीवर स्वाभीमानी शेतकरी संघटनेचे प्रमुख राजू शेट्टी यांनी केंद्र आणि राज्य सरकारवर जोरदार टीका केली आहे. "आम्ही महाविकास आघाडी सरकारमधून बाहेर पडलो आहेत. भाजपमधून या अगोदरच बाजूला झालो आहोत. शेतकरी, कष्टकरी, व्यापारी, महिला वर्ग, बेरोजगारी, समाजातील विविध प्रश्नांवर सातत्याने संघर्ष चालू आहे. रस्त्यावरची लढाई आमची संपलेली नाही," असे राजू शेट्टी यांनी काही दिवसापूर्वी पत्रकारांना सांगितले होते.

राज्यातील अनेक जिल्ह्यांना अवकाळी पावसाचा फटका बसला. हातातोंडाशी आलेला घास पावसाने हिरावून घेतल्याने शेतकरी हतबल झाला. अशावेळी सरकार आणि विमा कंपन्यांकडे शेतकरी डोळे लावून बसले आहेत. मात्र, तिकडूनही योग्य मोबदला न मिळाल्याने शेतकरी मोठ्या संकटात सापडला आहे.

या पार्श्वभूमीवर स्वाभीमानी शेतकरी संघटनेचे प्रमुख राजू शेट्टी यांनी केंद्र आणि राज्य सरकारवर जोरदार टीका केली आहे. केंद्राच्या आणि राज्याच्या तिजोरिवर पिक विमा कंपन्यांच्या माध्यमातून दरोडा टाकला जात असल्याची टीका शेट्टी यांनी केली होती.