Mumbai, 19 June : एकनाथ शिंदे यांचं वैशिष्ट्य काय, तर ते एक नपुंसक राजकारणी आहेत. त्यांना स्वतःच्या पक्षाचा कार्यकर्ता तयार करण्याची त्यांच्यामध्ये हिम्मत नाही. म्हणून ते इतरांकडून नेते विकत घेतात आणि स्वतःचा पक्ष चालविण्याचा प्रयत्न करतात. पण अशा भाडखाऊ, विकत घेतलेल्या लोकांवर पक्ष चालवता येत नाही, हे समजायला त्यांना अजून काही दिवस लागतील, अशी घाणाघाती टीका माजी खासदार विनायक राऊत यांनी उपमुख्यमंत्री एकनाथ शिंदे यांच्यावर केली आहे.
विनायक राऊत (Vinayak Raut) म्हणाले, शिवसेनेचा वर्धापनदिन साजरा करण्याचा अधिकार हा शिवसेना उद्धव बाळासाहेब ठाकरे पक्षालाच आहे. मराठीत एक म्हण आहे, मोर नाचतो म्हणून तुडंतुडं नाचतं. तसं शिंदे गटाच्या टोळक्याचं नाटक आज होत आहे. त्याकडे आम्ही गांभीर्याने पाहत नाही. आमचा उद्धव ठाकरेंच्या नेतृत्वावर विश्वास आहे. त्यांच्या नेतृत्वाखालील शिवसेनेचा झंझावत कोठेही कमी होणार नाही.
शिंदे गटाचे काही दलाल बाजारात गिऱ्हाईक शोधत फिरत आहेत. दुर्दैवाने त्या गद्दार गटावर इतरांकडून माल विकत घ्यायचा आणि पक्ष चालवायचा, अशी नामुष्की आलेली आहे. मशी नामुष्की शिवसेना (Shivsena) आणि उद्धव ठाकरे यांच्यावर आलेली नाही. शिंदेंचे दलाल जसे बाजारात फिरतात, तसे आमचे दलाल बाजारात फिरत नाहीत, असेही विनायक राऊतांनी स्पष्ट केले.
ते म्हणाले, शिवसेनेचे दोन माजी नगरसेवक काल मातोश्रीवर बैठकीला उपस्थित होते. कदाचित ते वास काढायला आले असतील. ते काय बोलतात ते आम्हाला येऊन सांगा. शिंदे गटाचे काही दलाल, त्या मुंबई महापालिकेचा शिक्षण विभागाचा अधिकारी आहे, निमेष रेवडेकर त्याचे नाव आहे. हा अनेक नगरसेवकांना, त्यांच्या घरातील लोकांना फोन करतो. हा शासकीय अधिकारी असला तरी तो शिंदेंचा दलाल म्हणून काम करतो. तो लोकप्रतिनिधींच्या घरी जाऊन पटवापटवीचे काम करतो. अशा पद्धतीची नामुष्की एकनाथ शिंदेंवर आलेली आहे.
शिवसेनेच्या माजी नगरसेवकांशी संवाद साधण्याचं काम पक्षप्रमुख उद्धव ठाकरे नेहमी करतात. स्वार्थी वृत्तीचा राजकारण्यांना उद्धव ठाकरे हे करोडो रुपयांचे आश्वासन देऊ शकत नाहीत. ते विचार आणि नातं देऊ शकतात, त्यामुळे ते प्रत्येकाशी संवाद साधत असतात. त्यांना बोलत असतात आणि मार्गदर्शनही करतात. हे आज दोन फुटलेले नगरसेवक यांच्याबाबत आम्हाला कुणकुण लागली होती, असेही स्पष्ट केले.
शिंदेंच्या दलालांकडून आम्हाला आमिषं दाखवली जातात, त्यांच्याकडून दबाव टाकला जातो, असे कालच्या बैठकीत तब्बल 22 माजी नगरसेवकांनी उद्धव ठाकरे यांना सांगितले. तसेच त्यांनी शिंदेंच्या दलालांना धुडकावून लावले, हेही सांगितले. आज शिंदेगटाकडे गेलेल्या माजी नगरसेवकांची उद्धव ठाकरेंनी समजूत घालण्याचा प्रयत्न केला होता, असेही विनायक राऊतांनी सांगितले.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.