Abhishek Ghosalkar Death Case : अभिषेक घोसाळकर हत्या प्रकरण; ठाकरे गटाचे नेते विनोद घोसाळकरांचे गंभीर आरोप, म्हणाले...

Mumbai Political News : उद्धव ठाकरे (Uddhav Thackeray) गटाचे नेते, माजी नगरसेवक अभिषेक घोसाळकर यांची जुन्या वादातून फेसबुक लाइव्हमध्येच गोळ्या झाडून हत्या करण्यात आली. दीड महिन्यापूर्वी झालेल्या या प्रकरणी सुरू असलेल्या तपासात पोलिस सहकार्य करत नसल्याचा गंभीर आरोप अभिषेक यांचे वडील आणि ठाकरे गटाचे नेते, माजी आमदार विनोद घोसाळकरांनी केला आहे. त्यामुळे राजकीय वर्तुळात खळबळ उडाली आहे. Abhishek Ghosalkar Death Case

विनोद घोसाळकर (Vinod Ghosalkar) म्हणाले, अभिषेक घोसाळकर यांच्या हत्याप्रकरणी सरकार आम्हाला मदत करत नाही. पोलिस यंत्रणा कुणाच्या तरी दाबाबखाली काम करत आहे. त्यामुळे पोलिसांकडून सहकार्य मिळत नाही. सध्या असलेली तपास यंत्रणा योग्य दिशेने तपास करत नाहीत. त्यामुळे ही तपास यंत्रणा बदलून मिळावी, अशी आमची मागणी आहे. या प्रकाराविरोधात आणि आमच्या मागण्यांसाठी मुंबई उच्च न्यायालयात (Bombay high Court) याचिका दाखल करणार आहे. ही याचिका उद्या बुधवारी (ता. 20) करणार असल्याचा इशाराही त्यांनी या वेळी दिला.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

माजी आमदार विनोद घोसाळकर यांचे पुत्र आणि शिवसेना ठाकरे गटाचे माजी नगरसेवक अभिषेक घोसाळकर (Abhishek Ghosalkar) यांच्यावर दहिसरमध्ये गोळीबार झाला आहे. घोसाळकरांचे जुने मित्र मॉरिस नरोन्हा याने जुन्या वदातून हा गोळीबार केला. गोळीबारापूर्वी अभिषेक आणि मॉरिस नरोन्हाने फेसबुक लाइव्ह केले होते. त्यानंतर मॉरिस उठला आणि त्याने अभिषेक यांच्यावर गोळीबार केला. यात अभिषेक यांना चार गोळ्या लागल्या होत्या. त्यानंतर मॉरिसने स्वत:वर गोळ्या झाडून घेत आत्महत्या केली.

आता अभिषेक घोसाळकर हत्येप्रकरणी पोलिस योग्य दिशेने तपास करत नसल्याचा आरोप विनोद घोसाळकरांनी केला आहे. सरकार सहकार्य करत नसून तपास यंत्रणांही दबावाखाली काम करत असल्याचे त्यांनी सांगितले. हत्येचा तपास योग्य दिशेने होत नसल्याने तपास यंत्रणा बदलण्याची मागणी त्यांनी केली आहे. या मागणीसाठी ते उच्च न्यायालयात धाव घेणार आहेत. विनोद घोसाळकरांनी केलेल्या आरोपांमुळे राजकीय वर्तुळातून भुवया उंचावल्या आहेत.

(Edited by Sunil Dhumal)

R