पंकजा मुंडे यांनी मस्साजोगला जाऊन देशमुख कुटुंबीयांची भेट का घेतली नाही,असा प्रश्न भाजपचे आमदार सुरेश धस यांनी केला होता, त्याचा खुलासा पंकजा मुंडे यांनी केला आहे. 'सकाळ'ला दिलेल्या मुलाखतीत त्यांनी मुंडेंनी याचे कारण सांगितलं आहे.
पंकजा मुंडे यांनी संतोष देशमुख कुटुंबियांची भेट घेतली नाही, असे वारंवार सांगत धसांनी पंकजाताईंवर टीका केली होती. त्यावर पंकजा मुंडे यांनी स्पष्टीकरण दिले आहे. संतोष देशमुख यांच्या कुटुंबाच्या विनंतीवरूनच मी मस्साजोगमध्ये गेले नाही, असे त्यांनी सांगितले.
"देशमुख यांच्या हत्येची एसआयटी चौकशी व्हावी, अशी पहिली मागणी मी ११ डिसेंबरलाच पत्राद्वारे मुख्यमंत्र्यांकडे केली होती. १२ डिसेंबरला मी मस्साजोगला देशमुख कुटुंबीयांची भेट घेण्यास निघाले होते. अर्ध्या रस्त्यात असतानाच धनंजय देशमुखांना आमच्या कार्यकत्यांनी फोन लावून दिला. ते म्हणाले की, आमच्या भावाला तुम्ही न्याय द्या. आज तुम्ही आला आणि तुमच्याशी कोणी चुकीचे वर्तन केले, तर आम्हाला आवडणार नाही. त्यामुळे मी मागे फिरले," असे मुंडे म्हणाल्या.
सुरेश धसांनी धनंजय मुंडे यांची भेट गुपचूप का घेतली, असा सवाल पंकजाताईंनी धसांना केला आहे. धसांना पक्षश्रेष्ठींनी समज का दिली नाही, असा थेट सवाल पंकजाताईंनी पक्षश्रेष्ठींना केला आहे.
(२५ वर्षे पूर्ण करणारा ई-सकाळ आता का्ॅमस्कोअरमध्ये नंबर १. डिजिटल माध्यमांच्या क्षेत्रातली नवी झेप)
देशमुख यांच्या हत्येप्रकरणी भाजप आमदार सुरेश धस यांनी रान उठवलं. राष्ट्रवादीचे आमदार धनंजय मुंडे यांनी मंत्रिपदाचा राजीनामा द्यावा लागला आहे.पंकजा मुंडे यांच्यावर सुरेश धसांनी निशाणा साधला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.