MLA Residence News : आमदार निवासात विनापरवाना राहत होता तरूण; पोलिसांनी गुन्हा केला दाखल !

Mumbai News : आमदारांना राहण्यासाठी दिलेल्या खोलीत एक तरूण अनधिकृत वास्तव्य करत असलेल्या तरूणावर पोलिसांनी गुन्हा दाखल करण्यात आला आहे. आमदार अभिजीत वंजारी यांना शासनाकडून देण्यात आलेल्या खोलीमध्ये परवानगीशिवाय अनधिकृतपणे राहणाऱ्या नागपूरमधील हर्षल हजारे या तरूणावर आता मरीन ड्राइव्ह पोलिस ठाण्यात गुन्हा दाखल करण्यात आला आहे. (Latest Marathi News)

आमदार अभिजित वंजारी यांचे स्वीय सहाय्यक विजय रामचंद्र गाळे (वय 53वर्षे) यांनी याबाबत तक्रार दिली आहे. त्यांच्या तक्रारीवरून आता पोलिसांनी गुन्हा नोंदवला आहे. गोळे यांनी दिलेल्या माहितीनुसार मंत्रालय येथे आकाशवाणी आमदार निवासात वंजारी यांना १०६ क्रमाकांची रूम देण्यात आली होती. या आमदार निवासात आमदारांकडे आलेले कार्यकर्ते त्यांच्या सहमतीने या खोलीत काहीकाळ राहतात.

आमदारांरांच्या याच खोलीमध्ये हर्षल हजारे राहत होता. हजारेला जवळपास सहा महिन्यांपूर्वी या खोलीत राहण्याची परवानगी दिली होती. त्यांचा राहण्याचा कालावधी पूर्ण झाला आहे. १६ जून रोजी अभिजीत वंजारी यांचे नागपूर मधील आणखी एक स्वीय साहाय्यक अजिंक्य पवार यांच्याकडून मिळालेल्या माहितीनुसार १६ जून ते २५ जूनपर्यंत एकूण ६ जणांना या खोलीत राहण्याची परवानगी देण्यात आली होती.

१९ जून या दिवशी आमदार निवासाबाबत चौकशी करताच, ही घटना समोर आली. हजारे हा आमदारांच्या खोलीत राहत असल्याचे निदर्शनास आले. परवानगी शिवाय आता तुला राहता येणार नाही, असे सांगताच हजारेंनी गोळे यांना विरोध केला. त्यामुळे त्याच्या विरुद्ध तक्रार दिली गेली. त्यानुसार गुन्हा नोंदवून, पोलिस पुढील कार्यवाही करत आहेत.