Sujata Saunik Retired : राज्याच्या मुख्य सचिव सुजाता सैनिक हा आज (सोमवार) निवृत्त होत आहेत. त्यामुळे आता मुख्य सचिवपदाची सुत्रे राजेशकुमार मीना यांच्या हाती येणार आहेत. सरकारने त्यांची मुख्य सचिवपदी नियुक्ती केली आहे. ते आजच सायंकाळी चार वाजता कार्यभार स्वीकारतील.
सुजाता सैनिक या राज्याच्या पहिल्या मुख्य सचिव होत्या. त्यांच्या निवृत्तीनंतर सचिवपदासाठी मुंबई महापालिकेचे आयुक्त भूषण गगरानी,गृह विभागाचे अपर सचिव इक्बालसिंग चहल यांचे नाव चर्चेत होते. मात्र, सेवा ज्येष्ठतेचा विचार करत राजेशकुमार मीना यांना संधी मिळाली आहे. ते 1988 बॅचचे आयएएस अधिकारी आहेत.
मुख्य सचिव म्हणून राजेशकुमार मीना यांना केवळ दोन महिन्याचा कार्यकाळ मिळण्याची शक्यता आहे. कारण ते ऑगस्ट 2025 मध्ये निवृत्त होत आहेत. जर, सरकारने त्यांना मुदतवाढ दिली तर ते पदावर कायम राहतील. दरम्यान, आगामी स्थानिक स्वराज संस्थेच्या निवडणुकांचा विचार करता त्यांना मुदतवाढ मिळण्याची शक्यता अधिक आहे. यापूर्वी अजोय मेहता, नितीन करीर या दोन मुख्य सचिवांना देखील मुदतवाढ मिळाल्याचा इतिहास आहे.
राजेशकुमार मीना हे सर्वात ज्येष्ठ प्रशासकीय अधिकारी असून त्यांना प्रशासनाचा दांडगा अनुभव आहे. त्यांनी विविध विभागामध्ये काम केले आहे. सचिवपदाच्या नियुक्तीपूर्वी ते महसूल विभागाच्या अतिरिक्त मुख्य सचिवपदी कार्यरत होते. भूषण गगरानी आणि इक्बालसिंग चहल यांचे नाव सचिवपदासाठी आघाडीवर असताना देखील सेवा ज्येष्ठतेच्या कारणाने मुख्यमंत्री देवेंद्र फडणवीस यांनी मीना यांच्या नावाला पसंती दिली.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.