Mumbai News : भूषण गगराणी यांची मुंबई महानगरपालिकेच्या आयुक्तपदी नियुक्ती करण्यात आली आहे. तीन वर्षे ज्यांची सेवा पूर्ण झाली आहे, अशा अधिकाऱ्यांची केंद्रीय निवडणूक आयोगाच्या शिफारसीनुसार बदल्या करण्यात आल्या आहेत. त्यानुसार तीन वर्षे सेवा झालेल्या अधिकाऱ्यांची बदली करण्यात आली आहे. आयोगाच्या सूचनेनंतर मुंबई महानगरपालिकेच्या आयुक्तपदी भूषण गगराणी यांची नियुक्ती करण्यात आली आहे.
सौरभ राव यांची ठाणे महानगरपालिका आयुक्तपदी नियुक्ती करण्यात आली आहे, तर कैलास शिंदे यांची नवी मुंबई महानगरपालिका आयुक्तपदी नियुक्ती करण्यात आली आहे. मुंबई महानगर प्रदेशातील या तीन महत्त्वाच्या महानगरपालिका आणि त्या दृष्टीने या महत्त्वाच्या बदल्या करण्यात आल्या आहेत. (Officers Transfer In Maharashtra)
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
मुंबई महापालिका (BMC) आयुक्तपदासाठी भूषण गगराणी प्रबळ दावेदार मानले जात होते. त्यानुसार गगराणी यांची नियु्क्ती झालेली आहे. मुंबई महापालिका आयुक्तपदासाठी भूषण गगराणी, डॉ. संजय मुखर्जी आणि अनिल डिग्गीकर यांची केंद्रीय निवडणूक आयोगाकडे शिफारस करण्यात आली होती, त्यात गगराणी यांच्या नावावर शिक्कामोर्तब झाले. गगराणी हे 1990 च्या बॅचचे आयएएस अधिकारी आहेत. मुख्यमंत्री एकनाथ शिंदे यांच्या कार्यालयात अतिरिक्त मुख्य सचिव पदावर ते कार्यरत होते.
निवडणूक आयोगाच्या (Election Commission) निर्देशानुसार नगरविकास विभागाने आज मंगळवारी (दि. 20 मार्च) विविध विभागातल्या 34 उपायुक्तांच्या बदल्या करण्यात आल्या होत्या. आयोगाने इक्बालसिंह चहल यांची बदली करण्यात यावी असे निर्देश दिले होते. त्यांच्या जागी आता गगराणी यांची नियुक्ती करण्यात आली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.