Rupee Falls: भारतीय अर्थव्यवस्था वेगानं वाढत असल्याची माहिती मोदी सरकारकडून संसदेत दिली जात असताना दुसरीकडं याच अर्थव्यवस्थेच्या मजबुतीचा आधार असलेला भारतीय रुपया मात्र दिवसेंदिवस गडगडत चालला आहे. रुपयाची ही पडझड थांबवण्यासाठी रिझर्व्ह बँक ऑफ इंडियाकडून नुकत्याच काही उपाययोजना करण्यात आल्या पण तरीही आज रुपया सर्वात निचांकी पातळीवर पोहोचला आहे.
एका अमेरिकन डॉलरच्या तुलनेत रुपया सध्या ९५.२० वर पोहोचला आहे. ०.३ टक्क्यांनी त्याच्या मुल्यामध्ये घट झाली आहे. जागतीक घटक आणि परकीय भांडवलाचा सातत्यानं सुरु असलेले अडथळे याचा रुपयाच्या मुल्याच्या सद्य़स्थितीवर परिणाम झाला आहे. रिझर्व्ह बँकेनं नुकतेच परकीय चलनांबाबत बँकांवरील बंधने आणखी घट्ट केली आहेत कारण रुपयाचा थोडासा तरी आधार मिळेल. पण विश्लेषकांच्या मते अर्थव्यवस्थेतील काही मलूभूत घटक हे रुपयासाठी प्रतिकूल आहेत.
शुक्रवारी उशिरा, रिझर्व्ह बँकेने (RBI) बँकांना परकीय चलन बाजारातील त्यांच्या 'निव्वळ खुल्या रुपया स्थितीवर' (Net Open Rupee Positions) प्रत्येक कामकाजाच्या दिवसाच्या अखेरीस १०० दशलक्ष डॉलर्सची मर्यादा घालण्याचे निर्देश दिले. बँकांना १० एप्रिलपर्यंत या नियमाचे पालन करण्यास सांगण्यात आले आहे. या उपायाचा उद्देश सट्टेबाजीच्या स्थितीत कपात करणे आणि चलन बाजारातील अस्थिरता मर्यादित करणे हा आहे.
आरबीआयनं मध्यस्थी केल्यानंतरही भारतीय रुपयावर दबाव कायम आहे. परकीय पोर्टफोलिओमधून सातत्याने होणारा निधीचा बहिर्वाह आणि तेलाच्या वाढलेल्या किमतींमुळे भारताच्या आर्थिक भवितव्याबद्दल वाढलेली चिंता, यांमुळे चलनावर परिणाम झाला आहे. कच्च्या तेलाच्या वाढलेल्या किंमतींमुळं भारताचं आयात बिल वाढतं आणि चालू खात्यातील तूट वाढते, ज्यामुळं रुपयावर दबाव येतो. त्याचवेळी, भू-राजकीय तणावांमुळं निर्माण झालेल्या जागतिक अनिश्चिततेनं गुंतवणूकदार जोखीम घेण्यास हात अखडता घेत आहेत. ज्यामुळं भारतासारख्या विकसनशील बाजारपेठांमधून निधी वाढीवर परिणाम होत आहे.
त्याचबरोबर रुपयामधील ही कमजोरी शेअर बाजारातील मोठ्या घसरणीचाही परिणाम आहे. निफ्टी फिफ्टी सोमवारी सुमारे २ टक्क्यांनी घसरला आणि मार्च २०२० नंतरच्या सर्वात मोठ्या मासिक घसरणीच्या दिशेने वाटचाल करत आहे. रुपयाची घसरण, तेलाच्या वाढत्या किंमती आणि जागतिक अनिश्चितता यांच्या एकत्रित परिणामामुळं बाजारातील एकूण वातावरण कमकुवत राहिलं आहे. मार्च महिन्यात आतापर्यंत रुपया ४ टक्क्यांहून जास्त घसरला आहे, ज्यामुळं तो गेल्या सात वर्षांतील सर्वात वाईट मासिक कामगिरीच्या दिशेने वाटचाल करत आहे. विश्लेषकांच्या मते, जोपर्यंत तेलाच्या किमतींमध्ये स्पष्ट घट होत नाही किंवा परकीय निधीच्या प्रवाहात उलटफेर होत नाही, तोपर्यंत नजीकच्या काळात रुपयावरील दबाव कायम राहण्याची शक्यता आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.