Chhagan Bhujbal Death Threat : छगन भुजबळांना जीवे मारण्याची सुपारी? धमकीच्या फोनने खळबळ..

Pune News : राष्ट्रवादी काँग्रेससचे नेते व नवनिर्वाचित उपमुख्यमंत्री अजित पवार (Ajit Pawar) यांनी पक्षात बंड पुकारल्यानंतर राज्यात राजकीय घमासान पाहायला मिळत आहे. असे असताना अजित पवारांसोबत (Ajit Pawar) सरकारमध्ये मंत्रिपदाची शपथ घेणारे छगन भुजबळ (Chhagan Bhujbal) यांना जीवे आता जीवे मारण्याची धमकी देण्यात आलेली आहे. यामुळे आता एकच खळबळ उडाली आहे. (Latest Marathi News)

प्राप्त माहितीनुसार, एका अज्ञात व्यक्तिकडून भुजबळ यांच्या कार्यालयाच्या संपर्क क्रमांकावर फोनकरून जीवे मारण्याची धमकी देण्यात आली आहे. या व्यक्तीने दावा केला आहे की, आपल्याला भुजबळ यांना मारण्याची सुपारी मिळाली आहे. या प्रकरणामध्ये एक ऑडियो क्लिप समोर आली आहे.

छगन भुजबळ हे पुण्यात दौऱ्यावर असताना रात्री साडे अकराच्या सुमारास जीवे मारण्याच्या धमकी फोन आला होता. या प्रकरणी पोलिसांना माहिती देण्यात आली आहे. यानुसार पुढील कारवाई करण्यात येत आहे.