Pune News : पुणे महापालिका निवडणूक आता ऐन रंगात आली आहे. त्यातच पुणे महापालिकेचा प्रभाग क्रमांक 9 हा चर्चेच्या केंद्रस्थानी असल्याचा पाहायला मिळत आहे. या प्रभागामध्ये एका मागे एक असे हाय व्होल्टेज घडामोडी घडताना दिसत आहेत. सुरुवातीला याच प्रभागामधून माजी नगरसेवक अमोल बालवडकर यांचं तिकीट कापून भाजपने लहू बालवडकर यांना मैदानात उतरवलं.
त्यानंतर आरोप प्रत्यारोपाचा राजकारण रंगल्याचं पाहिलं मिळालं. आता याच प्रभागातून राष्ट्रवादी काँग्रेसच्या उमेदवाराने पैसे वाटप केल्याचा आरोप करण्यात येतो आहे. मतदारांना प्रभावित केल्याप्रकरणी बाणेर पोलिसांनी 14 जणांवर गुन्हा देखील दाखल केला आहे. मध्ये राष्ट्रवादीच्या उमेदवाराच्या मुलाचाही समावेश आहे.
राष्ट्रवादी अजित पवार गटाचे उमेदवार बाबुराव चांदेरेचा मुलगा किरण चांदेरे पैसे वाटत असल्याचा आरोप भाजपा उमेदवार गणेश कळमकर आणि लहू बालवडकर यांनी केला आहे. हे प्रकरण समोर आल्यानंतर कळमकर यांनी थेट मुख्यमंत्री देवेंद्र फडणवीस यांना फोन लावला असल्याचा देखील समोर आला आहे.
त्यानंतर आता राष्ट्रवादी काँग्रेसचे उमेदवार बाबुराव चांदेरे यांच्या मुलागा किरण चांदेरे यांच्यावर बाणेर पोलीस ठाण्यात गुन्हा दाखल करण्यात आला आहे. चांदेरे यांच्या मुलासह इतर 14 जणांवर मतदार संघात मतदारांच्या याद्या घेऊन तसेच मतदारांना प्रभावित केल्याप्रकरणी गुन्हा दाखल झाला आहे.
बाबुराव चांदेरे हे पुण्यातील प्रभाग क्रमांक ९ मधून राष्ट्रवादी काँग्रेस तर्फे निवडणूक लढवत आहेत. आचारसंहितेचा भंग केल्याप्रकरणी तसेच भारतीय न्याय संहिता कलम २२३, कलम १७१ आणि कलम ७४ अन्वये गुन्हा दाखल झाला आहे. नंतर आता भाजपकडून थेट चांदरे यांच्यावरती तडीपारीची कारवाई करण्यात यावी अशी मागणी करण्यात येत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.