Amit Shah News : अमित शाहंनी टिळक कुटुंबीयांची भेट घेत केलं सांत्वन

Kasba By Election : कसबा पोटनिवडणुकीच्या प्रचाराची धामधूम सुरु आहे. अशातच केंद्रीय गृहमंत्री अमित शाह हे आज पुणे दौऱ्यावर आहेत. कसबा आणि चिंचवड पोटनिवडणुकीच्या पार्श्वभूमीवर त्याचा हा पुणे दौरा महत्वाचा मानला जात आहे.

तसेच या दौऱ्यादरम्यान त्यांनी विविध कार्यक्रमांना उपस्थिती लावली. याबरोबरच त्यांनी विविध पदाधिकाऱ्यांच्या भेटी घेतल्या. याबरोबरच आज संध्याकाळी जे डब्ल्यू मॅरीयेट हॉटेलमध्ये अमित शाह यांनी दिवंगत आमदार मुक्ता टिळक यांचे पती शैलेश टिळक आणि कुणाल टिळक यांची भेट घेतली.

मुक्ता टिळक यांच्या निधनानंतर अमित शाह यांची ही सांत्वनपर भेट होती. अमित शाह हे टिळकांच्या घरी जाऊन टिळक कुटुंबियांची भेट घेणार होते. मात्र, वेळेअभावी ते घरी जाऊ शकले नाहीत.

मात्र, त्यांनी शैलेश टिळक आणि कुणाल टिळक यांना जे डब्ल्यू मॅरीयेट हॉटेलमध्ये बोलावून घेत आपुलकीने टिळक कुटुंबीयांची चौकशी केली. यावेळी त्यांनी मुक्ता टिळक यांच्याबाबतही काही विचारपूस करत त्यांच्या आठवणींना उजाळा दिला.

दरम्यान, कसबा पोटनिवडणुकीच्या प्रचाराची धामधूम सुरु आहे. भाजप आणि महाविकास आघाडीच्या उमेदवारांनी प्रचारात जोरदार आघाडी घेतली असून नेत्यांच्या सभा, भेटीगाठी, बैठका यांनी राजकीय वातावरण चांगलंच तापलं आहे. अशातच अमित शाह हे देखील आज पुणे दौऱ्यावर आहेत. तसेच त्यांनी आज मुक्ता टिळक यांच्या कुटुंबियांची भेट घेतली.

तसेच ते पुण्याचे खासदार गिरीश बापट (Girish Bapat) यांचीही भेट घेणार असून त्यांच्या तब्येतीची विचारपूस करणार आहेत. दरम्यान, कसबा विधानसभा पोटनिवडणुकीच्या पार्श्वभूमीवर शाह यांच्या दौऱ्याला महत्व प्राप्त झालं आहे. त्यामुळे त्यांच्या दौऱ्याचा किती फायदा भाजपला होईल हे येणाऱ्या काळातच पाहायला मिळेल.