Pune News : आगामी महापालिका निवडणुकीच्या दृष्टिकोनातून भाजपने तयारीला सुरुवात केली आहे. यादृष्टीने सर्वप्रथम भाजपने इच्छुक उमेदवारांचे अर्ज मागवले होते. हे उमेदवार जे अर्ज घेण्यासाठी भाजपच्या कार्यालयात पहिल्याच दिवशी मोठ्या प्रमाणात गर्दी झाल्याचं पाहायला मिळालं. भाजपच्या कार्यकर्त्यांसोबतच विरोधी पक्षातील काही नेत्यांनी देखील भाजपचे उमेदवारी अर्ज नेल्याचे समोर आले आहे. या यादीमध्ये अजित पवारांची राष्ट्रवादी काँग्रेस, राष्ट्रवादी काँग्रेस शरदचंद्र पवार पक्षातील नेत्यांसह काँग्रेसमधील नेत्यांचा देखील समावेश आहे.
भाजपकडून निवडणूक लढणाऱ्या इच्छुकांचीमोठी संख्या आहे. तरी इतर पक्षातील सक्षम उमेदवार आपल्याकडे घेण्याचे धोरण भाजपने अवलंब आहे. त्या दृष्टिकोनातून आगामी काळामध्ये मोठ्या प्रमाणात पक्ष प्रवेश होणार असल्याचं बोलले जात आहे. त्याबाबतच्या पक्षप्रवेशाच्या याद्या देखील निश्चित करण्यात आल्या असून पहिल्या टप्प्यामध्ये 21 जणांना पक्ष प्रवेश दिला जाणार आहे. मात्र अंतर्गत विरोधामुळे हे पक्षप्रवेश कुठेतरी लांबले आहेत.
या पार्श्वभूमीवर पक्षप्रवेशापूर्वीच इतर पक्षातील इच्छुकांनी भाजपचे उमेदवारांचे अर्ज नेले असल्याचे समोर आला आहे. भाजप वगळता इतर पक्षातील दहा ते पंधरा जणांनी हे अर्ज नेले असून यामध्ये राष्ट्रवादी काँग्रेसचे शरदचंद्र पवार पक्षाच्या आमदाराच्या मुलाचा देखील समावेश आहे. या आमदार मुलगा भाजपमध्ये प्रवेश करण्याच्या चर्चा मागील काही दिवसांपासून सुरू होत्या.
काँग्रेसच्या माजी उपमहापौरांच्या मुलाने देखील भाजपचा उमेदवारी अर्ज नेला आहे.उपमुख्यमंत्री अजित पवार यांच्या राष्ट्रवादीतील खडकवासला विधानसभा मतदारसंघातील माजी नगरसेवकांनी देखील भाजपचा उमेदवारी अर्ज नेला असून त्याच्या सोबतच एका अजित पवारांच्या पक्षात असलेल्या माजी महिला नगरसेवकांनी देखील भाजपाचा उमेदवारी अर्ज नेला आहे. राष्ट्रवादी काँग्रेसमध्ये असलेल्या ही महिला नेता माजी आमदारची मुलगी आहे.
आरपीआय आणि काँग्रेस मधील पदाधिकाऱ्यांनी देखील भाजपचे उमेदवारी अर्ज घेऊन गेल्याचे सांगितले जात आहे. ज्यांनी उमेदवारी अर्ज नेले आहेत. ते लवकरच ते अर्ज दाखल करणार आहेत. त्यांनी उमेदवारी अर्ज दाखल करणाऱ्यांची अधिकृतपणे माहिती समोर येणार आहे. त्यामुळे इतर पक्षातील या उमेदवारांबाबत भाजप काय निर्णय घेणार याकडे भाजप निष्ठावंतांचे देखील लक्ष लागले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.