Devendra Fadnavis Meet Raj Thackeray : मोठी बातमी! निकालापूर्वीच देवेंद्र फडणवीस राज ठाकरेंच्या भेटीला; काय आहे कारण?

Maharashtra Political News : लोकसभा निवडणुकीचा निकाल मंगळवारी लागणार आहे. त्याच्या पूर्वसंध्येलाच उपमुख्यमंत्री देवेंद्र फडणीसांनी शिवतीर्थ जाऊन मनसे अध्यक्ष राज ठाकरेंची भेट घेतली. लोकसभेचा निकाल काही तासांवर आला असताना फडणीस-राज ठाकरेंच्या भेटीने राजकीय वर्तुळातून भुवया उंचावल्या गेल्या आहे. या भेटीचे नेमके कारण काय हे स्पष्ट होऊ शकले नसले तरी अनेक चर्चांना उधाण आले आहे.

लोकसभा निडणुकीनंतर आलेल्या एक्झिट पोलचे आकडे महायुतीला धक्का देणारे आहेत. त्या पार्श्वभूमीवर फडणवीस-राज ठाकरेंच्या भेटीला महत्त्व प्राप्त झाले आहे. आधीच जागा वाटपात महायुतीत मोठी रस्सीखेच झाली होती. त्यानंतर महायुतीला फटका बसत असल्याचे बोलले जात आहे. परिणामी ही युती विधानसभा निवडणुकीत टिकणार की नाही, यावरही राजकीय वर्तुळात उलटसुलट चर्चा सुरू आहेत.

लोकसभेत शिंदे गट आणि अजित पवार गटाला फटका बसत असल्याचे दिसून येत आहे. तसेच भाजपलाही याची झळ सोसावी लागणार असल्याचे बोलले जात आहे. या स्थितीत मनसे विधानसभा निवडणुकीत महायुतीत राहणार की नाही हे सुद्धा उद्याच्या निकालानंतर ठरण्याची शक्यता आहे. तत्पुर्वीच ठाकरेंनी विधानपरिषदेसाठी आक्रमक भूमिका घेतली आहे.

ही भेट सदिच्छा असल्याचे सांगितले जात आहे. मात्र महायुतीला बिनशर्त पाठिंबा देऊनही राज ठाकरेंनी कोकण पदवीधर मतदारसंघातून अभिजीत पानसेंची उमेदवार जाहीर करून टाकली. मात्र भाजपनेही तेथून निरंजन डावखरे यांना सिटिंग आमदार म्हणून पुन्हा रिंगणात उतरवले आहे. यावर फडणीसांनी ठाकरेंशी चर्चा केल्याचे माहिती आहे. आता या बैठकीत नेमकी काय चर्चा झाली, ते लवकरच स्पष्ट होईल.

(Edited by Sunil Dhumal)