Eknath Shinde Politics : पुणे शिक्षक मतदारसंघात एकनाथ शिंंदेंची पुन्हा तिरकी चाल?भाजपसोबत मैत्रीपूर्ण लढत, सचिन सानप यांना पाठींबा देणार?

Eknath Shinde Pune MLC Election News : पुणे शिक्षक मतदारसंघात महायुतीकडून भाजपचे कौस्तुभ गावडे हे शिक्षक मतदारसंघातून लढत आहे. शिवसेनेकडून उमेदवारी दाखल केलेले मंगशे चिवटे यांनी आपली उमेदवारी मागे घेतली होती. दरम्यान, आता गावडे यांच्या विरोधात बंडखोरी करणारे अपक्ष उमेदवार सचिन सानप यांना शिंदेंच्या शिवसेनेकडून ताकद दिली जात असल्याची चर्चा आहे.

उपमुख्यमंत्री एकनाथ शिंदे यांच्या नंदनवन निवासस्थानी विधान परिषद निवडणुकीबाबत मंगळवारी मध्यरात्रीपर्यंत खलबतं झाली. या बैठकीत बंडखोर अपक्ष उमेदवार सचिन सानप उपस्थित होते.

सानप हे मंत्री उदय सामंत यांचे एसडीओ देखील होते. दरम्यान, या बैठकीत प्रामुख्याने सानप यांच्या उमेदवारीवर चर्चा झाल्याचे वृत्त साम टिव्हीने दिले आहे. राजकीय वर्तुळात बैठकीमध्ये सचिन सानप यांच्या विजयाची रणनीती ठरल्याची आणि त्यासाठी तयारी झाल्याची चर्चा सुरू होती. मात्र, बैठकीत शिंदेंनी युती धर्म पाळा, असे सांगितल्याचे बोलले जात आहे.

या बैठकीला रवींद्र धंगेकर उपस्थित होते. ते म्हणाले, पुणे पदवीधर आणि शिक्षक मतदारसंघातील सर्व पदाधिकारी, आमदार, खासदार, माजी आमदार सर्वांची बैठक शिंदेंसाहेबांनी नंदनवन येथे घेतली. बैठकीत पक्षाची चर्चा झाली की येणाऱ्या निवडणुकीत कसं काम करायचे.

शिंदे अंतिन निर्णय घेणार

चर्चेमध्ये शिक्षक मतदारसंघाबाबत नाव येत होती. मात्र, शिदेंसाहेबांनी सर्व माहिती घेतली. अंतिम निर्णय तेच घेतील, असे देखील धंगेकर यांनी सांगितले. सानप काल नंदनवनला होते मात्र ते बैठकीत नव्हते, असे देखील धंगेकर यांनी सांगितले.

माझ मत हे पक्षाचे मत होत नाही. मात्र, माझं मत आहे की पक्षाने निवडणूक लढवली पाहिजे. पक्षाचे जो अंतिम निर्णय होईल तो मान्य आहे. शिंदेसाहेब जो निर्णय देतील तो सगळ्यांना बंधनकारक आहे, असे देखील धंगेकर म्हणाले. दरम्यान, एका वृत्तावाहिनीशी बोलताना दरम्यान, सचिन सानप म्हणाले, आपण अपक्ष लढत असून पाठींब्यासाठी भेटीगाठी घेत आहे. मी एकनाथ शिंदेसाहेबांच्या निर्णयाची वाट पाहतोय.