Pune Vikas Tingre News: पुण्यात काँग्रेस पदाधिकारी विकास टिंगरेंनी उचललं टोकाचं पाऊल; नेमकं घडलं तरी काय?

Vikas Tingre News: पुण्यातून एक धक्कादायक प्रकार उघडकीस आला आहे. पुणे शहर काँग्रेसचे विश्रांतवाडी ब्लॉक अध्यक्ष विकास टिंगरे (Vikas Tingare) यांनी मंगळवारी (ता. २३) गळफास घेऊन आत्महत्या केली. या घटनेमुळे संपूर्ण परिसरात शोककळा पसरली आहे. (Extreme step taken by Congress functionary Vikas Tingre in Pune)

विकास टिंगरे मंगळवारी (२३ मे) धानोरी येथील पोरवाल रस्त्यावर असलेल्या त्यांच्या पतसंस्थेच्या कार्यालयात आले होते. बराच वेळ झाला होता. त्यांनी दुपारी जेवणही केलं नव्हतं. त्यामुळे कार्यालयातील काही कर्मचारी त्यांच्या केबिन मध्ये गेले असता त्यांना विकास टिंगरे यांनी आत्महत्या केल्याचे आढळून आले. पतसंस्थेच्या कर्मचाऱ्यांनी त्यांना तात्काळ रुग्णालयात दाखलं केलं. पण उपचारापूर्वीच त्यांचा मृत्यू झाल्याचे डॉक्टरांनी सांगितले. (Pune News)

विमानतळ पोलिसही घटनास्थळी दाखल झाले होते. पोलिसांनी मृतदेह शवविच्छेदनासाठी ससून रुग्णालयात पाठवला. पण त्यांच्या आत्महत्या नेमके कारण अद्याप समजू शकलेले नाही. विमानतळ पोलीस या प्रकरणाचा तपास करत आहेत. (Congress)

Edited By- Anuradha Dhawade