Sia Goyal case : कोर्टाच्या आवारातच हायव्होल्टेज ड्रामा! सिया गोयलच्या वकीलपत्रावरून दोन वकिलांमध्ये वाद..

Pune News : बहुचर्चित केतन अग्रवाल हत्या प्रकरणाला आता एक वेगळंच वळण लागलं असून, कोर्टाच्या आवारातच दोन नामवंत वकिलांमध्ये मोठा ड्रामा पाहिला मिळाला. मुख्य आरोपी सिया गोयल हिला न्यायालयात हजर करण्यापूर्वीच, तिचं वकीलपत्र नेमकं कोण घेणार? यावरून ॲडव्होकेट विपुल दुशिंग आणि ॲडव्होकेट श्रीवास्तव यांच्यात थेट कोर्टाबाहेरच कलगीतुरा रंगल्याचे पाहिला मिळालं.

या दोन्ही वकिलांनी आपल्यालाच सियाने अधिकृत म्हणून वकील पत्र दिल्याचा दावा केला. त्यामुळे सियाची बाजू आपण कोर्टामध्ये मांडणार असल्याचे देखील या वकिलांकडून सांगण्यात आलं यावेळी ॲडव्होकेट विपुल दुशिंग यांनी सांगितले. "सिया गोयल हिच्या सख्ख्या भावाने आणि तिच्या कुटुंबियांनी स्वतः माझ्याशी संपर्क साधून या केसची सर्व सूत्रं माझ्याकडे सोपवली आहेत.

तिच्या भावाने या संदर्भात न्यायालयात अधिकृत प्रतिज्ञापत्र देखील सादर केलं आहे, "आरोपी सध्या पोलीस कस्टडीत असताना वकीलपत्रावर सही घेण्याची एक ठरलेली कायदेशीर प्रक्रिया असते. आम्ही न्यायालयाची रीतसर परवानगी घेऊन, तपास अधिकाऱ्यांच्या समोर कायदेशीर मार्गाने सियाची सही घेतली आहे. त्यामुळे आमचंच वकीलपत्र वैध आहे," असंही त्यांनी स्पष्ट केलं.

दुसरीकडे, ॲडव्होकेट श्रीवास्तव यांनी आपण पोलीस स्टेशनला जाऊन आधीच सही आणल्याच्या दाव्यावर आक्षेप घेत दुशिंग यांनी सांगितले की कोणत्याही अधिकृत परवानगीशिवाय किंवा कोर्टाच्या शिक्क्याशिवाय आणलेलं वकीलपत्र कायदेशीररीत्या कसं टिकणार?

सिया ही सज्ञान असून तिचा वकील कोण असावा, हा सर्वस्वी तिचा आणि तिच्या कुटुंबियांचा निर्णय आहे आणि त्यांनी मला वकील एकत्र दिला आहे असं दुशिंग यांनी सांगितलं. तर दुसरीकडे श्रीवास्तव यांनी देखील आपल्याकडे अधिकृत परवानगी असून वेळ पडल्यास आम्ही दोघे मिळून की केस पुढे चालू असं सांगितलं आहे.