Exam : पुणे विद्यापीठाच्या 30 जानेवारीच्या सर्व परीक्षा पुढे ढकलल्या; 'ही' आहे पुढची तारीख

Exam : पुणे विद्यापीठाअंतर्गत शिकणाऱ्या सर्व विद्यार्थ्यांसाठी महत्वाची बातमी समोर आली आहे. सावित्रीबाई फुले पुणे विद्यापीठाच्या सर्व विद्याशाखांच्या सर्व अभ्यासक्रमांची हिवाळी सत्राची परीक्षा सध्या सुरू आहे.

मात्र, नाशिक पदवीधर मतदार संघाची निवडणुकीचे मतदान ३० जानेवारीला आहे. त्यामुळे ही मतदान प्रक्रिया पार पडण्यासाठी काही महाविद्यालये मतदान केंद्र म्हणून जाहीर करण्यात आले आहेत.

त्यामुळे या एका दिवसाचे सर्व विद्याशाखांच्या सर्व अभ्यासक्रमांचे पेपर ३० जानेवारी ऐवजी आता रविवारी (ता.५) घेण्याचे नियोजन विद्यापीठाकडून करण्यात आले आहे. या फेरबदलाचा निर्णय हा विद्यापीठाशी संलग्न पुणे, अहमदनगर (Ahmednagar) आणि नाशिक (Nashik) या तिन्ही जिल्ह्यासाठी लागू असणार आहे. तसेच उर्वरीत सर्व पेपर नियोजित वेळापत्रकानुसार पार पडणार आहेत.

या संबंधीचे प्रसिद्धीपत्रक विद्यापीठाच्या संकेतस्थळावर प्रसिद्ध करण्यात आले आहे. 30 जानेवारीला होणाऱ्या तब्बल 30 परीक्षा पुढे ढकलण्यात आल्या आहेत. या संदर्भातील अपडेट विद्यापीठाकडून देण्यात आली आहे.

दरम्यान, राज्यात महाराष्ट्र विधान परिषद पदवीधर आणि शिक्षक मतदार संघाच्या निवडणुकीचे मतदान ३० जानेवारीला होणार आहे. याच पार्श्वभूमीवर काही काही परिक्षा पुढे ढकलण्यात आल्या आहेत. त्यामुळे नेमकी कोणत्या परिक्षा आणि किती पेपरमध्ये बदल करण्यात आला आहे. याबाबतची सविस्तर माहिती देण्यात आली आहे.