Pune News, 16 Nov : स्थानिक स्वराज्य संस्थांच्या निवडणुकांमध्ये स्थानिक नेत्यांना उमेदवार निवडण्याचा आणि युती-आघाडी करण्याचा निर्णय घेण्याचं स्वातंत्र्य दिलं असल्याचं सर्वच राजकीय पक्षांच्या वरिष्ठ मंडळी कडून सांगण्यात येत आहे.
अशातच इंदापूर शहरात पुणे जिल्हाध्यकक्षांचा विरोध असताना देखील उपमुख्यमंत्री अजित पवारांच्या राष्ट्रवादीने इंदापूरातील नगराध्यक्ष पदाचा उमेदवार निश्चित केला करत त्याचा उमेदवारी अर्ज देखील दाखल केला आहे.
इंदापूर नगरपरिषदेच्या नगराध्यक्ष पदाच्या उमेदवारीवरून अजित पवारांच्या राष्ट्रवादीमध्ये अंतर्गत वाद निर्माण झाला आहे. उमेदवार निवडीत मतभेदांमुळे पक्षात तणाव वाढला असून माजी उपनगराध्यक्ष भरत शहा यांना उमेदवारी देण्यास जिल्हाध्यक्ष प्रदीप गारटकर यांच्या समर्थकांनी कडाडून विरोध केला होता.
या विरोधामुळे इंदापूरमधील राष्ट्रवादी दोन गटांत विभागली गेली आहे. पक्षाने आमच्यावर अन्याय केला तर आम्ही शांत बसणार नाही, असा स्पष्ट इशारा प्रदीप गारटकर यांनी पक्ष नेतृत्वाला दिला होता. गारटकर म्हणाले, 'पक्षाने आमच्या भावना मान्य केल्या आणि सन्मान दिला तर आम्ही अजित पवारांसोबतच राहू. अन्यथा राजीनामा देऊन स्वतंत्र उमेदवारी करू. अर्ज भरण्याच्या शेवटच्या दिवसापर्यंत (१७ तारखेपर्यंत) प्रतीक्षा करू, पण अन्याय सहन करणार नाही.
पक्षाने आमचे ऐकले आणि सन्मान दिला तर घड्याळ चिन्हावरच राहू. पण पक्षाने आम्हाला विचारात घेतलं नाही तर आम्हीही पक्षाचा विचार करणार नाही. नैतिकता म्हणून, पक्षाविरोधात उभा राहिल्यास राजीनामा देईन.'
या विरोधानंतर देखील पक्षाने भरत शहा यांना उमेदवारी दिली असून त्यांनी शनिवारी उमेदवारी अर्ज देखील दाखल केला आहे. त्यामुळे अजित पवार आणि मंत्री दत्तात्रेय भरणे यांनी जिल्हाध्यक्षांच्या विरोध डावलून शहा यांना उमेदवारी दिल्याने आता गारटकर काय भूमिका घेणार याकडे सर्वांचेच लक्ष लागले आहे. सोमवारी माध्यमांसमोर आपली भूमिका स्पष्ट करणार असल्याचं सांगितलं जात आहे.
एकीकडे पुणे जिल्ह्यामध्ये अजित पवारांच्या राष्ट्रवादी समोर भाजपने मोठं आव्हान तयार केला आहे. अशा परिस्थितीमध्ये पक्षांतर्गत होत असलेली दुफळी स्थानिक स्वराज्य संस्थांच्या निवडणुकांमध्ये अजित पवारांच्या पशाला परवडणारी नाही. त्यामुळे याबाबत अजित पवार कशा प्रकारे तोडगा काढणार हे पाहणं महत्त्वाचं ठरणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.