Laxman Hake Baramati : मला अटक करा म्हणून हाके बारामतीत आले, पण परत गुन्हा करणार नाही, असं पोलिसांना लिहून देत माघारी गेले...

Pune News : ओबीसी आंदोलक लक्ष्मण हाके यांच्या नेतृत्वात 5 सप्टेंबर रोजी बारामती येथे आंदोलन करण्यात आलं होतं. कोणतीही पूर्वपरवानगी नसताना हे आंदोलन करण्यात आल्यामुळे लक्ष्मण हाके (Laxman Hake) यांच्यासह 14 जणांवर बारामती पोलीस स्टेशनमध्ये गुन्हा दाखल करण्यात आला होता.

हा गुन्हा दाखल झाल्यानंतर लक्ष्मण हाके इतर 14 जणांसोबत आज बारामती पोलीस स्टेशनमध्ये हजर झाले. यावेळी हाके यांनी आपल्याला अटक करून घ्या आम्ही जामीन देखील घेणार नाही आणि यात नंतरचा आंदोलन हे आम्ही जेल मधूनच पुढे नेऊ असं म्हणत अटक करून घेण्याची मागणी पोलिसांकडे केली.

मराठा आंदोलन मनोज जरांगे पाटील यांनी देखील अनेक आंदोलने केली आहेत. मात्र त्यांच्यावर कुठेही गुन्हे दाखल झाले नाहीत. मात्र उपमुख्यमंत्री अजित पवार (Ajit Pawar) यांच्या सांगण्यावरून बारामती येथे आमच्यावर गुन्हा दाखल करण्यात आलेला आहे. तसेच गेवराई येथे देखील आमच्यावरती गुन्हा दाखल झालेला आहे. या दोन्ही ठिकाणी अजित पवार हेच पालकमंत्री असून त्यांच्या सांगण्यावरूनच आमच्यावर गुन्हे दाखल करण्यात आली असल्याचं आरोप हाके यांनी यावेळेस केला.

यावेळेस हाके यांच्यासोबत असलेले उपस्थित आंदोलकांनी पोलिसांकडं आम्हाला अटक करून घ्या असाच तगादा लावला. त्यामुळे काही वेळ पोलीस स्टेशनमध्ये गोंधळाच वातावरण निर्माण झालं. मात्र पोलिसांनी या आंदोलकांची समजूत काढली त्यानंतर हाके आणि त्यांच्या सहकाऱ्यांना पोलिसांनी नोटीस दिली. आणि या नोटीसीवर त्यांच्या सह्या देखील घेण्यात आल्या. त्यानंतर हाके हे त्यांच्या इतर सहकाऱ्यांसह पोलीस स्टेशन मधून बाहेर पडले.

यापुढे अशा प्रकारचा गुन्हा पुन्हा करणार नाही असं या नोटीसीच्या माध्यमातून आमच्यावर कडून लिहून घेण्यात आले असल्याचं हाके यांनी सांगितला आहे. अशाप्रकारे लिहून घेण्यात आल्याने आमच्या संविधानिक अधिकारांवर गदा आली असून हे सर्व उपमुख्यमंत्री अजित पवार यांच्या सांगण्यावरूनच होत असल्याचा आरोप लक्ष्मण हाके यांनी केला.

आम्ही महाराष्ट्रभरात शेकडो मोर्चे काढले. मात्र, कुठेही गुन्हा दाखल झाला नाही. या ठिकाणी गुन्हा दाखल झाला आहे, कारण आमचा आंदोलन दडपण्याचा प्रयत्न अजित पवार करत असल्याचा आरोप हाके यांनी केला.