Laxman Hake Audio Viral : पैसे खात्यावर घेत नाही, मी आल्यावर..., लक्ष्मण हाकेंची ऑडिओ क्लिप व्हायरल

Laxman Hake News : लक्ष्मण हाके आणि एका तरुणामधील संवादची ऑडिओ क्लिप व्हायरल झाली आहे. या क्लिपमध्ये तरुण लक्ष्मण हाके यांना पैसे देण्याबाबत विचारणा करत त्यांच्या युपीआय आणि अकाऊंट नंबर मागतो आहे. तर, हाके हे आपले अकाऊंट नसल्याचे सांगत आपण प्रत्यक्ष भेटू, असे सांगत आहेत. सतीश वाघ या अकाऊंटवरून ही ऑडिओ क्लिप प्रसारीत करण्यात आली आहे. 'सरकारनामा' या ऑडिओच्या सत्यतेची पुष्टी करत नाही.

ऑडिओमध्ये तरुण लक्ष्मण हाकेंना तुम्हाला मानधन द्यायचं आहे, असे सांगतो. त्यावर हाके त्याला त्यांचा गाव कोणतं याची विचारणा करतात. तरुणाने तुम्ही समाजासाठी काम करता त्यासाठी तुम्हाला पेट्रोल, तेल लागतं, असं म्हणत तुम्हाला पैसे पाठवायचे आहे तुमचा अकाऊंटनंबर, गुगल पे नंबर किंवा युपीआय नंबर द्या, असे सांगितले.

राहुद्या. त्या परिसरात आलो तर भेटू, असे हाके यांनी तरुणाला सांगितले मात्र आपण बाहेर असतो आपण युपीआय करतो, असा आग्रह तरुणाने धरला. त्यावर मी उद्या सकाळी आहे पुण्यात आपण भेटू असे हाके यांनी सांगितले. मात्र, तरुणाने आपल्याला पैसे पाठवायचेआग्रह कायम ठेवल्याने माझं अकाऊंट नाही आणि अकाऊंटला मी पैसे पण घेत नाही, असे सांगत हाकेंनी रितेश नावाच्या व्यक्तीकडे फोन दिला आणि त्याचा गुगल पे नंबर देण्यास सांगितले.

मराठा आंदोलकाकडून फोन?

लक्ष्मण हाके यांना फोन करणाऱ्या तरुणाने हाके हे भुजबळांकडून पैसे घेऊन आंदोलन करत असल्याचे देखील म्हटले. तुम्ही लोकांकडून पैसे घेताय, पैसे घेऊन सुपाऱ्या वाजवताय, असे देखील ऑडिओमध्ये तरुण म्हणत आहे. तसेच जरांगेंच्या विरोधात बोलायला तुम्ही पैसे घेतायेत. शहाजीबापूंच्या विरोधात उभा राहिला होता तर 200 मतंही तुम्हाला पडली नाहीत.