Pune Lok Sabha Election 2024: देशभरात लोकसभा निवडणुकीसाठी (Lok Sabha Election) मतदान सुरु आहे. पहिल्या तीन टप्प्यातील मतदान पार पडलं असून चौथ्या टप्प्यासाठीचा प्रचार काल संपला असून उद्या सोमवारी 13 मे रोजी पुण्यासह देशभरातली अनेक लोकसभा मतदारसंघासाठी मतदान होणार आहे. मतदानाची आकडेवारी पाहता मागील तीन टप्प्यात राज्यातील विविध मतदारसंघातील मतदानाची टक्केवारी काही प्रमाणात कमी झाल्याचं दिसून आलं आहे.
मतदान कमी होण्याची कारणे विविध असली तरी आता चौथ्या टप्प्यासाठी होणाऱ्या मतदानाच्या दिवशी तीन दिवस सलग सुट्टी आल्याने अनेक नागरिक मतदान न करता कुठेतरी फिरायला जाण्याचा प्लॅन करत असल्याचं समोर आलां आहे. अशातच बॉलीवूडचे ज्येष्ठ अभिनेते अमिताभ बच्चन (Amitabh Bachchan) यांच्यासारखे हुबेहुब दिसणारे पुण्यातील शशिकांत पेडवाल यांनी बच्चन यांच्या शैलीत मतदारांना मतदान करण्याचे आवाहन केलं आहे.
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
पुणे (Pune) निवडणूक अधिकारी यांच्याकडून शशिकांत पेडवाल (Shashikant Pedwal) यांची मतदान जनजागृतीसाठी ब्रँड अँबेसिडर म्हणून नेमणूक करण्यात आली आहे. तर पेडवाल हे सोशल मीडियाच्या माध्यमातून आणि मतदारांच्या घरोघरी जाऊन मतदान करण्यासाठी जनजागृती करत आहेत. पेडवाल यांनी सांगितलं, सध्या सुरु असलेली निवडणूक म्हणजे देशाचा लोकशाही उत्सव असून नागरिकांनी जास्तीत जास्त प्रमाणात मतदान करावं यासाठी सुरुवातीला मी सोशल मीडियाच्या माध्यमातून जनजागृती करायला सुरुवात केली. त्यानंतर जिल्हाधिकारी यांच्या माध्यमातून माझी ब्रँड अँबेसिडर म्हणून निवड झाली. त्यानंतर आता मी सोशल मीडियावर आणि घरोघरी जाऊन नागरिकांमध्ये मतदान करण्याबाबत जनजागृती करत आहे.
ते पुढे बोलताना म्हणाले, शासनाच्या माध्यमातून मतदानाबाबत जनजागृती करण्यासाठी अनेक उपक्रम राबवले जातात. परंतु, देशाचा नागरिक म्हणून माझेही कर्तव्य आहे की, लोकांना ज्येष्ठ अभिनेते अमिताभ बच्चन यांच्या शैलीत मतदान करण्यासाठी आवाहन करणे. आतापर्यंत जे काही मतदारांना आवाहन केलं आहे त्यावरून असं वाटत आहे की जास्तीत जास्त मतदार माझ्या या आवहानाचा दहा टक्के फरक तरी जाणवणार आहे. कारण नागरिकांचा उत्साह चांगला असल्याचं पाहायला मिळत आहे.
तसेच सलग तीन दिवस सुट्टी येत असल्याने नागरिक फिरायला जाण्यासाठी प्लॅन करत आहेत. परंतु त्यांना सोमवारची सुट्टी ही मतदान करण्यासाठी देण्यात आली आहे. शिवाय ही निवडणूक देशाचं भवितव्य ठरवणारी असून आपण आपल्या मताचा उमेदवाराला मतदान करावं यासाठी मी आवाहन करत असल्याचं त्यांनी सांगितलं. शिवाय माझं लक्ष तरुण तसेच पहिल्यांदा मतदान करणाऱ्या मतदारांवर असल्याचं पेडवाल यांनी सांगितलं.
(Edited By Jagdish Patil)
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.