Pune News : पुणे शहरातील आठ विधानसभा मतदारसंघातील सात जागांवर महायुती तर एक जागेवर महाविकास आघाडी पुढे आहे. पुणे शहरात महायुतीचे सात आमदार तर एक आमदार महाविकास आघाडीचा होता यंदा हे चित्र बदलण्याची शक्यता आहे. आता पुणे शहरामध्ये महायुतीचा बोलबाला पाहायला मिळत आहे. खडकवासला विधानसभा मतदारसंघात महाविकास आघाडीला अवघी 700 मतांची आघाडी मिळाली आहे. (Maharashtra Election Results 2024 LIVE Counting)
जागा वाटपामध्ये पुणे शहरातील आठ विधानसभा मतदारसंघांपैकी महायुतीमध्ये सहा विधानसभा मतदारसंघ हे भाजपाकडे तर दोन विधानसभा मतदारसंघ अजित पवारांच्या राष्ट्रवादीकडे आल्याचे पाहायला मिळालं. शिंदे यांच्या शिवसेनेला पुणे शहरातील एकही जागा मिळू शकली नव्हती.
खडकवासला, कसबा, शिवाजीनगर, पर्वती कोथरूड आणि पुणे कॅन्टोन्मेंट विधानसभा मतदारसंघांमध्ये भाजपने आपले उमेदवार दिले होते. तर हडपसर आणि वडगाव शेरी या विधानसभा मतदारसंघात अजित पवारांच्या राष्ट्रवादी काँग्रेसचे उमेदवार होते. (Vidhan Sabha election 2024 Final results live Updates)
भाजपने,कोथरूड, पर्वती,खडकवासला शिवाजीनगर आणि पुणे कॅन्टोन्मेंट या विधानसभा मतदारसंघात विद्यमान आमदारांनाच पुन्हा संधी दिल्याचं पाहायला मिळालं. तर अजित पवारांनी देखील आपल्या दोन विद्यमान आमदारांना पुन्हा संधी दिली होती.
सध्याच्या चित्र पाहता कोथरूडमधून चंद्रकांत पाटील यांनी मोठी आघाडी घेतली आहे. बरोबर पर्वती विधानसभा मतदार संघातून माधुरी मिसाळ, कसब्यातून हेमंत रासने आणि शिवाजीनगर विधानसभा मतदारसंघातून सिद्धार्थ शिरोळे आघाडीवर असल्याचे चित्र पाहायला मिळत आहे. पुणे कॅन्टोन्मेंट विधानसभा मतदारसंघात काँग्रेस पार्टी जड दिसत असताना या ठिकाणी भाजपचे सुनील कांबळे यांनी आघाडी घेतल्याचे पाहायला मिळत आहे.
अजित पवारांच्या पक्षातून निवडणूक लढवत असलेले सुनील टिंगरे हे वडगाव शेरी मधून तर हडपसर विधानसभा मतदारसंघातून चेतन तुपे आघाडीवरती आहेत.महाविकास आघाडीचा विचार केल्यास खडकवासला विधानसभा मतदारसंघातून सचिन दोडके आणि भीमराव यांच्यामध्ये काटे की टक्कर असून सचिन दोडके पहिल्या फेरी अखेर 700 मतांनी आघाडी वर आहेत.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.