विधानसभेच्या निवडणुकीत महायुतीला भरभरून यश मिळाले आहे. भाजप आता मोठा भाऊ झाला आहे. सहाजिकच मुख्यमंत्री कोणाचा हा मुद्दा आता उपस्थित होणार आहे. तत्पूर्वी विधानसभेच्या जागा वाटपाच्या वेळी शिवसेनेच्यावतीने मुख्यमंत्री एकनाथ शिंदे यांनी स्ट्राईक रेटचा मुद्दा उपस्थित केला होता. त्यानुसार जागा वाटप करण्याची मागणी केली होती. विदर्भात शिवसेनेला नऊ जागा सोडण्यात आल्या होत्या. त्यापैकी फक्त चारच उमेदवार निवडूण आले आहेत.
लोकसभेच्या निवडणुकीत शरदचंद्र पवार यांच्या राष्ट्रवादी काँग्रेसच्या तुतारीने चांगलाच माहौल केला होता. विदर्भातील वर्धा लोकसभा मतदारसंघातून अमर काळे निवडून आल्याने विधानसभेत तुतारी जोरदार वाजणार असा अंदाज वर्तवण्यात आला होता. मात्र अनेक दिग्गज उमेदवार देऊनही विदर्भातील एकाही मतदारसंघात विजयाची तुतारी वाजलीच नाही.
घनसावंगी मतदारसंघात नाव शिवसेनेचे हिकमत उढाण विजयी झाले आहेत, त्यांना 98496 मतं मिळाली आहेत. त्यांनी राष्ट्रवादी काँग्रेस-शरदचंद्र पवार पक्षाचे राजेश टोपे यांना पराभूत केले, त्यांना 96187 मतं मिळाली.
महाराष्ट्रात सत्याचा विजय आणि घराणेशाहीची हार, विभाजनकारी शक्तींचा पराभव झाला आहे. तर विकसित भारताच्या संकल्पाला महाराष्ट्राला मजबूत केलं आहे.
महाराष्ट्राच्या विधानसभा निवडणुकीत महाराष्ट्र नवनिर्माण सेनेचे सुपडा साफ झाला आहे. यावर राज ठाकरे यांनी अविश्वसनीय ! तूर्तास एवढेच...अवघ्या तीनच शब्दांत प्रतिक्रिया दिली आहे.
अविश्वसनीय ! तूर्तास एवढेच...
— Raj Thackeray (@RajThackeray) November 23, 2024
महाराष्ट्राचे निकाल अनपेक्षित आहेत आणि आम्ही त्याचे तपशीलवार विश्लेषण करू. राज्यातील सर्व मतदार बंधू-भगिंनींनी दिलेल्या पाठिंब्याबाद्दल आणि सर्व कार्यकर्त्यांनी केलेल्या मेहनतीबद्दल धन्यवाद. अशा मोजक्या शब्दांत राहुल गांंधींनी प्रतिक्रिया दिली आहे.
झारखंड के लोगों का INDIA को विशाल जनादेश देने के लिए दिल से धन्यवाद। मुख्यमंत्री हेमंत सोरेन जी, कांग्रेस और झामुमो के सभी कार्यकर्ताओं को इस विजय के लिए हार्दिक बधाई और शुभकामनाएं।
— Rahul Gandhi (@RahulGandhi) November 23, 2024
प्रदेश में गठबंधन की यह जीत संविधान के साथ जल-जंगल-ज़मीन की रक्षा की जीत है।
महाराष्ट्र के नतीजे…
तुमसर विधानसभा मतदारसंघात राष्ट्रवादी काँग्रेसचे (अजित पवार) राजू कारेमोरे यांचा ६४,३०३ मतांनी विजय. राष्ट्रवादी काँग्रेसचे (शरद पवार) चरण वाघमारे पराभूत झाले आहेत.
विधानसभा निवडणुकीच्या निकालावर प्रतिक्रिया देताना, उद्धव ठाकरेंनी सत्ताधाऱ्यांना विरोधी पक्षच शिल्लक ठेवायचा नाही. असं म्हटलं आहे. तर आम्ही महाराष्ट्राच्या जनतेसाठी कायम लढत राहू, असंही सांगितलं आहे.
विधानसभा निवडणुकीत महायुतीच्या विजयाबद्दल पंतप्रधान नरेंद्र मोदी यांनी महाराष्ट्रातील जनतेचे विशेष आभार मानले आहेत. 'विकासाचा विजय, सुशासनाचा विजय, एकसंध आम्ही उंच भरारी घेवू. एनडीएला ऐतिहासिक जनादेश दिल्याबद्दल माझ्या महाराष्ट्रातील भगिनी आणि बांधवांचे, विशेषतः राज्यातील तरुण आणि महिलांचे मनःपूर्वक आभार. ही आपुलकी आणि जिव्हाळा अतुलनीय आहे. महाराष्ट्राच्या प्रगतीसाठी आमची आघाडी कार्यरत राहील, याची मी जनतेला ग्वाही देतो. जय महाराष्ट्र!' असं मोदींनी म्हटलं आहे.
Development wins!
— Narendra Modi (@narendramodi) November 23, 2024
Good governance wins!
United we will soar even higher!
Heartfelt gratitude to my sisters and brothers of Maharashtra, especially the youth and women of the state, for a historic mandate to the NDA. This affection and warmth is unparalleled.
I assure the…
औरंगाबाद पूर्व विधानसभा मतदारसंघात भाजप आणि एमआयएम मध्ये झालेल्या अटीतटीच्या लढतीत भाजपचे अतुल सावे हे विजयी झाले आहेत.
तिवासा मतदारसंघात भाजपचे राजेश वानखेडे विजयी झाले आहेत. त्यांनी काँग्रेसच्या यशोमती ठाकूर यांचा पराभव केला आहे.
वांद्रे पूर्व मतदारसंघात वरूण सरदेसाई यांनी राष्ट्रवादी काँग्रेसचे झिशान सिद्दीकी यांचा पराभव केला आहे.
घनसावंगी मतदार संघात राष्ट्रवादी काँग्रेस पार्टी - शरदचंद्र पवार पक्षाचे राजेश टोपे हे पराभूत झाले आहेत. त्यांचा शिवसेनेचे हिकमत उढाण यांनी पराभव केला
बारामती विधानसभा मतदारसंघात १ लाख १६ हजार १८२ मतांनी अजित पवारांनी दणदणीत विजय मिळवला आहे.
चिंचवड विधानसभा क्षेत्रातून भाजपचे शंकर जगताप विजयी झाले आहेत. त्यांनी राष्ट्रवादी काँग्रेस पार्टीचे शरद पवार गटाचे उमेदवार राहुल कलाटे यांचा दारुण पराभव केला.
विधानसभा निवडणुकीत महायुतीच्या दणदणीत विजयाबद्दल उपमुख्यमंत्री देवेंद्र फडणवीस यांनी मतदारांसोबतच लाडक्या बहिणींचे विशेष आभार व्यक्त केले. तसेच, पक्षश्रेष्ठी आणि पदाधिकरी, कार्यकर्त्यांचेही आभार व्यक्त केले आहे. महाराष्ट्राच्या जनतेसमोर साष्टांग दंडवत
माजीमंत्री आणि आमदार विनय कोरे यांचा विजय. महायुतीचे घटक पक्ष असलेल्या जनसुराज्य शक्ती पक्षाचा पन्हाळा -शाहूवाडीत विजयी पताका फडकला आहे. महाविकास आघाडी शिवसेना ठाकरे गटाचे उमेदवार सत्यजित पाटील सरूडकर यांचा केला पराभव झाला आहे. विनय कोरे यांचा 35 हजार 914 मतांनी विजय झाला आहे.
वरळी विधानसभा मतदारसंघात शिवसेना उद्धव बाळासाहेब ठाकरे पक्षाचे आदित्य ठाकरे विजयी झाले आहेत. या ठिकाणी एकनाथ शिंदे यांच्या शिवसेनेने मिलिंद देवरा यांना निवडणुकीच्या रिंगणात उतरवलं होतं.
सांगोला विधानसभा मतदारसंघात काय झाडी काय डोंगार फेम शहाजी बापू पाटील यांचा पराभव झाला आहे. या ठिकाणी शेकापचे बाबासाहेब देशमुख २३ हजार मतांनी विजयी झाले आहेत.
माहीम मतदारसंघात मनसेला सर्वात मोठा धक्का बसला आहे. या ठिकाणी अमित ठाकरे यांचा पराभव झाला असून, शिवसेना उद्धव बाळासाहेब ठाकरे यांचे उमेदवार महेश सावंत विजयी झाले आहेत.
नांदेडमधील लोहा मतदार संघात दोन गटात प्रचंड हाणामारी, मतमोजणी केंद्रावर दगडफेक सुरू. यामुळे परिसरात तणावाचे वातावरण निर्माण झालं आहे.
राजेश क्षीरसागर यांचा 29,310 मतांनी विजय मिळाला आहे. हातकणंगले विधानसभा मतदार संघामधून जनस्वराज्याचे अशोकराव माने यांचा विजय झाला आहे. माने यांचा 46,328 मतांनी विजय झाला आहे. राजेश क्षीरसागर यांनी महाविकास आघाडीचे पुरस्कृत उमेदवार राजेश लाटकर यांचा केला पराभव केला. तर अशोकराव माने यांनी काँग्रेसचे विद्यमान आमदार राजू बाबा आवळे यांचा केला पराभव.
कसबा विधानसभा मतदारसंघात भाजपचे हेमंत रासने १९,३२० मतांनी विजयी झाले आहेत.
बाळासाहेब थोरात यांना मोठा धक्का बसला आहे. महायुतीचे उमेदवार अमोल खताळ यांचा विजय झाला आहे.
काटोल विधानसभा मतदारसंघात, भाजपचे चरणसिंग ठाकूर यांनी माजी गृहमंत्री अनिल देशमुख यांचे चिरंजीव सलील देशमुख यांचा पराभव केला आहे.
अवघ्या राज्याचे लक्ष लागलेल्या बारामती मतदारसंघात अखेर अजित पवार यांचा विजय झाला आहे. त्यांनी महाविकास आघाडीचे उमेदवार युगेंद्र पवार यांना पराभूत केलं आहे.
राष्ट्रवादी काँग्रेस पार्टीच्या सर्व विजयी उमेदवारांची उद्या मुंबईत बैठक आयोजित करण्यात आली आहे. याचबरोबर सर्व नेते देखील मुंबईत दाखल होणार आहेत.
राज्याचे लक्ष लागून राहिलेल्या कागल विधानसभा मतदारसंघात मुश्रीफांची डबल हॅट्रिक झाली आहे. तर, महाविकास आघाडीचे उमेदवार समर्जित घाटगे यांचा पराभव झाला आहे.पालकमंत्री हसन मुश्रीफ यांना 23व्या फेरी अखेर 11 हजार 89 मते मिळाली आहेत.
'अहो सर्वज्ञानी रडतरौत, तुमच्या असल्या घाणेरड्या विचारांना जनता पूर्णपणे कंटाळली आहे, हे आता तरी लक्षात घ्या. तोंडावर पडला.. पक्षाला तोंडावर पाडलं..महाभकास बिघाडीला तोंडावर पाडलं.. अहो, सर्वज्ञांनी तुमच्या महाभकास बिघाडीच्या एकत्र आमदारांपेक्षा एकट्या मुख्यमंत्री एकनाथजी शिंदे यांचे आमदार जास्त येणार आहेत.. आता, तरी जनतेचा मान ठेवा.. बाष्कळ बडबड आता तरी बंद करा !' असं म्हणत चित्रा वाघ यांनी संजय राऊतांवर निशाणा साधला आहे.
अहो सर्वज्ञानी रडतरौत,
— Chitra Kishor Wagh (@ChitraKWagh) November 23, 2024
तुमच्या असल्या घाणेरड्या विचारांना जनता पूर्णपणे कंटाळली आहे, हे आता तरी लक्षात घ्या. तोंडावर पडला.. पक्षाला तोंडावर पाडलं..महाभकास बिघाडीला तोंडावर पाडलं..
अहो, सर्वज्ञांनी तुमच्या महाभकास बिघाडीच्या एकत्र आमदारांपेक्षा एकट्या मुख्यमंत्री एकनाथजी शिंदे… pic.twitter.com/PrFehHtcla
महायुतीने काँग्रेसमुक्त कोल्हापूर केले. जिल्ह्यातील दहा मतदारसंघावर महायुतीचा झेंडा फडकला आहे. आतापर्यंत शिरोळ आणि कोल्हापूर दक्षिण विधानसभा मतदारसंघाचा निकाल जाहीर झाला आहे.शिरोळ मधून राजेंद्र पाटील यड्रावकर तर कोल्हापूर दक्षिण मधून भाजपचे अमल महाडिक विजयी तर इचलकरंजी मधून भाजपचे राहुल आवाडे यांचा विजय जवळपास निश्चित मानला जात आहे.हातकणंगले विधानसभा मतदारसंघातून महायुती जनसुराज्य शक्तीचे अशोकराव माने यांचाही विजय जवळपास निश्चित आहे. राधानगरीतून प्रकाश आंबेडकर विजयाच्या उंबरठ्यावर आहेत.
कोल्हापूर उत्तर मधून शिवसेनेचे राजेश क्षीरसागर यांची विजयी घोडदौड कायम आहे. कागल मधून पालकमंत्री हसन मुश्रीफ सहाव्यांदा आमदार होणार असल्याचे स्पष्ट झाले आहे. करवीर विधानसभा मतदारसंघातून शिवसेनेचे चंद्रदीप नरके यांची यशस्वी वाटचाल आहे. तर, पन्हाळा शाहूवाडी विधानसभा मतदारसंघातून आमदार विनय कोरे यांचे वर्चस्व कायम आहे.
भाजप नेतृत्वातील महायुतीने विधानसभा निवडणुकीत ऐतिहासिक विजय मिळवलाआहे. याबद्दल गृहमंत्री अमित शाह यांनी फडणवीस, शिंदे आणि अजित पवारांचे अभिनंदन केले आहे. शिवाय आता भाजपचे नेते सागर बंगल्यावर जमण्यास सुरुवात झाली आहे.
विधानसभा निवडणुकीत महायुतीच्या विजयानंतर देवेंद्र फडणवीस यांनी एक सूचक ट्वीट केलं आहे. ज्यामध्ये एक है तो ‘सेफ’ है ! मोदी है तो मुमकिन हैं ! असं म्हटलं आहे.
एक है तो ‘सेफ’ है !
— Devendra Fadnavis (@Dev_Fadnavis) November 23, 2024
मोदी है तो मुमकिन हैं ! #Maharashtra #महाराष्ट्र
महाराष्ट्रातील महायुतीच्या विजयाबद्दल गृहमंत्री अमित शाह यांनी उपमुख्यमंत्री देवेंद्र फडणवीस यांना फोन करून अभिनंदन केले आहे.
राज्यात महायुतीच्या विजयाबद्दल एकनाथ शिंदे यांनी महाराष्ट्रातील समस्त जनतेचे आभार मानले आहेत. तर शिवसेनेच्या विजयी उमेदवारांना वर्षा निवासस्थानावर येण्याचा निरोप दिला आहे.
परळी विधानसभा मतदारसंघात महायुतीचे राष्ट्रवादी काँग्रेसचे उमेदवार धनंजय मुंडे यांनी विजय मिळला आहे. त्यांनी राष्ट्रवादी काँग्रेस शरचंद्र पवार पक्षाच्या राजेसाहाब देशमुख यांना पराभूत कें आहे.
कोल्हापूर दक्षिण मध्ये काँग्रेसचा धुव्वा उडाला आहे. महायुती भाजपचे उमेदवार अमल महाडिक यांचा विजय जवळपास निश्चित मानला जात आहे. शाहूपुरी कार्यालय येथे महाडिक गटाकडून जल्लोषाला सुरुवात झाली आहे. राज्यसभेचे खासदार धनंजय महाडिक, अमोल महाडिक, आणि स्वरूप महाडिक यांनी गुलाल उधळला
मलबारहिल मधून मंगल प्रभात लोढा यांची विजयाकडे वाटचाल. १७व्या फेरीअंती मंगल प्रभात लोढा यांना ५५,५५० मतांचं मताधिक्य मंगल प्रभात लोढा यांना ८४,८९७ मतं तर ठाकरे गटाच्या भैरुलाल चौधरी यांना २९,३४७ मत मिळाली आहेत.
कोथरूड विधानसभा मतदारसंघात भाजपचे उमेदवार चंद्रकांत पाटील यांनी तब्बल 44 हजराहून आधीची आघाडी घेतली आहे. यानंतर महायुतीच्या कार्यकर्त्यांकडून फटाके फोडण्यात आले तसेच चंद्रकांत पाटलांना पेढे भरून अभिनंदन करण्यात आले.
कोल्हापूर उत्तरमधून राजेश लाटकर 2300 मतांनी आघाडीवर (नववी फेरी)
राधानगरी मधून प्रकाश अबिटकर 12814 मतांनी आघाडीवर (बारावी फेरी)
कागलमधून हसन मुश्रीफ 6071 मतांनी आघाडीवर (चौदावी फेरी)
इचलकरंजी मधून राहुल आवाडे 25910 मतांनी आघाडीवर (नववी फेरी )
कोल्हापूर दक्षिणमधून अमल महाडिक 16299 मतांनी आघाडीवर (पंधरावी फेरी )
शिरोळमधून राजेंद्र पाटील यड्रावकर 26000 मतांनी आघाडीवर (तेरावी फेरी)
शाहूवाडी सत्यजित पाटील 3714 मतांनी आघाडीवर (अकरावी फेरी)
चंदगडमधून शिवाजी पाटील 1971 मतांनी आघाडीवर (आठवी फेरी)
करवीरमधून चंद्रदिप नरके 8781 मतांनी आघाडीवर (आठवी फेरी)
हातकणंगले मधून अशोकराव माने 21432 मतांनी आघाडीवर (आठवी फेरी)
वडाळा मतदारसंघात भाजपचे नेते कालिदास कोळंबकर विजयी उंबरठ्यावर आहेत. त्यांच्याविरोधात शिवसेना उद्धव बाळासाहेब ठाकरे पक्षाच्या श्रद्धा जाधव यांना उमेदवारी दिली गेली होती.
श्रीवर्धन मतदारसंघात राष्ट्रवादी काँग्रेसच्या उमेदवार आदिती तटकरे यांची विजयाच्या दिशेने वाटचाल सुरू आहे . त्यांच्याविरोधात अनिल नवगणे यांना राष्ट्रवादी काँग्रेस शरदचंद्र पवार पक्षाने उमेदवारी जाहीर केली होती.
अजित पवारांच्या राष्ट्रवादी काँग्रेसचे उमेदवार सुनील शेळके यांच्याविरोधात अपक्ष उमेदवार बापूसाहेब भेगडे अशी थेट लढत येथे झाली. या लढतीत भाजपसह स्थानिक सर्व पक्षांनी एकत्र येत येथे शेळकेंविरोधात आघाडी उघडली होती. त्यामुळे या मतदारसंघात काँटे की टक्कर पाहायला मिळेल अशी अपेक्षा होती. मात्र,आता सुनील शेळके (Sunil Shelke) यांनी 2019 च्या मताधिक्क्यातील निम्मं लीड 11 व्या फेरीतच कव्हर केले आहे. शेळके यांची मोठ्या मताधिक्क्याकडे वाटचाल सुरू आहे.
राज्यात पुन्हा एकदा महायुतीचं सरकार सत्तेवर येणार असल्याचे दिसत आहे. तर एकनाथ शिंदेही आघाडीवर आहेत. त्यामुळे त्यांच्या घरासमोर शिवसैनिक फटाके फोडून जल्लोष करत आहेत.
VIDEO | Maharashtra Election Results 2024: Shiv Sena workers burst firecrackers outside CM Eknath Shinde's residence in Mumbai as #Mahayuti alliance is headed towards a landslide victory in Assembly polls.#ElectionResults2024WithPTI #MaharashtraElectionResults
— Press Trust of India (@PTI_News) November 23, 2024
(Full video… pic.twitter.com/PepztxfF4a
खडकवासला सातवी फेरी भीमराव तापकीर 9700 मतांनी आघाडीवर
वडगाव शेरी 11 फेरी सुनील टिंगरे 16257 मतांनी आघाडी
पर्वती आठवी फेरी 19912 मतांनी माधुरी मिसाळ आघाडीवर
कोथरूड सातवी फेरी 32786 मतांनी चंद्रकांत पाटील आघाडीवर
औरंगाबाद पूर्व मतदारसंघात इम्तियाज जलील पाच फेऱ्यानंतर 37 हजार मतांनी आघाडीवर आहेत. तर महायुतीचे अतुल सावे हे पिछाडीवर आहेत.
महाराष्ट्र विधानसभा निवडणुकीची मतमोजणी सध्या सुरू आहे. आतापर्यंत समोर आलेल्या आकडेवारीनुसार राज्यात महायुतीचं पारडं जड वाटत आहे. तर महाविकास आघाडीची पिछेहट झाल्याचं पाहायला मिळत आहे. तर निकालाची आकडे समोर येताच हा जनतेचा कौल नसून या निकालात काहीतरी गडबड असल्याचा संशय शिवसेना ठाकरे गटाचे खासदार संजय राऊत यांनी व्यक्त केला आहे.
शंकर मांडेकर - 6767
संग्राम थोपटे - 2043
अनिल जगताप - 48
लक्ष्मण कुंभार - 13
कुलदीप कोंडे - 134
किरण दगडे - 666
नोटा - 111
एकूण : 9782
सर्व फेरीत शंकर मांडेकर 22,454 ने आघाडीवर
वडगाव शेरी आठवी फेरी
सुनील टिंगरे 16395 मतांनी आघाडीवर
पर्वती सहावी फेरी
माधुरी मिसाळ 13758 मतांनी आघाडीवर
कोथरूड पाचवी फेरी
चंद्रकांत पाटील 24339 मतांनी आघाडीवर
बारामती ब्रेकिंग पाचव्या फेरी अखेर अजित पवारांना 21665 मतांची आघाडीवर. कार्यकर्त्यांकडून जल्लोष करण्यास सुरुवात झाली आहे.
कर्जत जामखेड मतदारसंघात तिसऱ्या फेरीअखेर भाजपचे आमदार राम शिंदे 1 हजार 551 मतांनी आघाडी घेतली असून, महाविकास आघाडी राष्ट्रवादी काँग्रेस पार्टी शरदचंद्र पवार पक्षाचे रोहित पवार पिछाडीवर आहेत. राहुरी मतदारसंघात पाचव्या फेरीत पुढे गेलेले प्राजक्त तनपुरे यांना सहाव्या फेरीत कल बदलला आहे. तनपुरे 856 मतांनी पिछाडीवर पडले आहेत. अमित भांगरे यांनी अकोले मतदारसंघात तिसऱ्या फेरीअखेर 5 हजार 307 मतांची आघाडी घेतली आहे. राष्ट्रवादी काँग्रेसचे आमदार किरण लहामटे पिछाडीवर आहे. संगमनेरमधील काँग्रेसचे ज्येष्ठ नेते बाळासाहेब थोरात तब्बल सात हजार मतांनी पिछाडीवर आहेत. श्रीगोंदा मतदारसंघात भाजपचे उमेदवार विक्रमसिंह पाचपुते यांनी 9 हजार 511 मतांची आघाडी घेतली आहे.
कराड दक्षिणमध्ये पृथ्वीराज चव्हाण पहिल्या फेरीत १५९० पिछाडीवर.
सहाव्या फेरीत पिंपरीत...
अण्णा बनसोडे-4581
सुलक्षणा धर-3657
अण्णा बनसोडे हे 16096 मतांनी आघाडीवर
विधानसभा निवडणुकीचे कल
भाजप - १०७ जागांवर आघाडीवर
शिवसेना (शिंदे गट) - ४९ जागांवर आघाडीवर
राष्ट्रवादी (अजित पवार गट) - ३२ जागांवर आघाडीवर
काँग्रेस - ३१ जागांवर आघाडीवर
शिवसेना उद्धव बाळासाहेब ठाकरे पक्ष - २३ जागांवर आघाडीवर
राष्ट्रवादी काँग्रेस शरदचंद्र पवार पक्ष - ३३ जागांवर आघाडीवर
पर्वती मतदारसंघात भाजपच्या माधुरी मिसाळांची सरशी. 6300 मतांनी आघाडीवर.
कोल्हापूर उत्तरमधून राजेश लाटकर 2959 मतांनी आघाडीवर (चौथी फेरी)
राधानगरी मधून प्रकाश अबिटकर 6800 आघाडीवर
कागलमधून हसन मुश्रीफ 2104 मतांनी आघाडीवर (सातवी फेरी)
इचलकरंजी मधून राहुल आवाडे 11977 मतांनी आघाडीवर (चौथी फेरी )
कोल्हापूर दक्षिणमधून अमल महाडिक 5975 मतांनी आघाडीवर (पाचवी फेरी )
शिरोळ मधून राजेंद्र पाटील यड्रावकर 15781 मतांनी (पाचवी फेरी)
शाहूवाडी सत्यजित पाटील 1651 आघाडीवर (चौथी फेरी)
चंदगडमधून शिवाजी पाटील 3500 मतांनी आघाडीवर (चौथी फेरी)
करवीरमधून चंद्रदिप नरके 6500 मतांनी आघाडीवर (तीसरी फेरी)
हातकणंगले मधून अशोकराव माने 8200 मतांनी आघाडीवर (तीसरी फेरी)
पारनेर विधानसभा मतदारसंघात राणी लंके पिछाडीवर असून, त्यांच्याविरोधात तिसऱ्या फेरीत राष्ट्रवादी काँग्रेस पक्षाचे काशीनाथ दाते यांनी 1 हजार 805 मतांची आघाडी घेतली आहे. नेवासा मतदारसंघात शिवसेना उद्धव बाळासाहेब ठाकरे पक्षाचे उमेदवार आमदार शंकरराव गडाख पिछाडीवर असून, तिथं एकनाथ शिंदे यांच्या शिवसेना पक्षाचे उमेदवार विठ्ठलराव लंघे यांनी 4 हजार 824 मतांची आघाडी घेतली आहे. तिसऱ्या फेरीअखेर संगमनेर मतदारसंघात काँग्रेसचे ज्येष्ठ नेते आमदार बाळासाहेब थोरात सहा हजार मतांनी पिछाडीवर आहे. अहिल्यानगर शहर मतदारसंघाचे आमदार संग्राम जगताप पाचव्या फेरीत 17 हजार 715 मतांची आघाडी घेतली आहे. शेवगाव-पाथर्डी अपक्ष उमेदवार माजी आमदार चंद्रशेखर घुले यांनी आघाडी घेतली आहे. राहुरी मतदारसंघात माजी मंत्री आमदार प्राजक्त तनपुरे पिछाडीवर पडले असून, भाजपचे माजी आमदार शिवाजी कर्डिले यांनी 2 हजार 587 मतांची आघाडी घेतली आहे. त्यांना तिसऱ्या फेरी अखेर 19 हजार 189 मते मिळाली आहेत.
कसबा मतदारसंघात तिसऱ्या फेरीत धंगेकरांना धक्का, हेमंत रासने 5,443 मतांनी आघाडीवर
वडगावशेरी विधानसभा मतदारसंघ चौथ्या फेरी अखेर राष्ट्रवादी काँग्रेसचे सुनील टिंगरे 8391 मतांनी आघाडीवर.
अहिल्यानगरच्या श्रीरामपूर मतदारसंघात दुसऱ्या फेरीत एकनाथ शिंदे यांच्या शिवसेनेचे बंडखोर उमेदवार माजी आमदार 7 हजार 138 मते दुसऱ्या फेरीअखेर मिळवली आहेत. त्यांनी 2 हजार 420 मतांची आघाडी घेतली आहे. काँग्रेसचे हेमंत ओगले यांना 4 हजार 718 मते मिळाली आहे. अजित पवार यांच्या राष्ट्रवादी काँग्रेस पक्षाचे 3 हजार 631 मते घेतली आहे.
कराड दक्षिण : अतुल भोसले १५०० मतांनी आघाडीवर
माण-खटाव : जयकुमार गोरे १२७६१ मतांनी आघाडीवर
सातारा : शिवेंद्रराजे १२७३१ मतांनी आघाडीवर
पाटण : शंभुराज देसाई १२६८ मतांनी आघाडीवर
फलटण : सचिन पाटील १४९३ मतांनी आघाडीवर
वाई : मकरंद पाटील ४५९३ मतांनी आघाडीवर
कराड उत्तर : मनोज घोरपडे २८८४ मतांनी आघाडीवर
कोरेगावात दुसऱ्या फेरी अखेर महेश शिंदे पाच हजार सहाशे मतांनी आघाडीवर
अहिल्यानगरमधील कर्जत-जामखेड मतदारसंघात भाजपचे आमदार राम शिंदे आणि राष्ट्रवादी काँग्रेस पार्टी शरदचंद्र पवार पक्षाचे आमदार रोहित पवार यांच्यात कांटे की टक्कर आहे. आमदार पवार यांना 5 हजार 577 मत मिळाली असून, आमदार शिंदे यांना 5 हजार 289 मते मिळाली आहेत. आमदार पवार यांना अवघी 288 मतांची आघाडी आहे.
फुलंब्री विधानसभा मतदारसंघामध्ये भाजपच्या अनुराधा चव्हाण चौथ्या फेरीअखेर ९३१४ मतांनी आघाडीवर.
बारामती विधानसभा मतदारसंघातील मतमोजणीच्या दुसऱ्या फेरीत राष्ट्रवादी काँग्रेसचे अध्यक्ष अजित पवार 3352 मतांनी आघाडीवर आहेत. दुसऱ्या फेरीत अजित पवार यांना 8548 मते, तर शरद पवारांच्या राष्ट्रवादीचे उमेदवार युगेंद्र पवार यांना 5196 मते मिळाली आहेत.
काँग्रेसचे ज्येष्ठ नेते बाळासाहेब थोरात 1 हजार 275 मतांनी पिछाडीवर आहेत. राधाकृष्ण विखे यांना दुसऱ्या फेरीत 4 हजार 896 मतांची आघाडी घेतली आहे. कोपरगावमधील आमदार आशुतोष काळे यांनी 8 हजार 433 मतांची आघाडी घेतली आहे. शेवगाव-पाथर्डीत अपक्ष उमेदवार माजी आमदार चंद्रशेखर घुले यांनी आघाडी घेतली असून, भाजप आमदार मोनिका राजळे आणि राष्ट्रवादी काँग्रेस पार्टी शरदचंद्र पवार पक्षाचे प्रतापराव ढाकणे तिसऱ्या क्रमांकावर आहेत. दुसऱ्या फेरीत श्रीगोंदा मतदारसंघात भाजपचे विक्रम पाचपुते दुसऱ्या फेरीत 6 हजार 500 आघाडीवर आहे. अहिल्यानगर शहर मतदारसंघात तिसऱ्या फेरीत आमदार संग्राम जगताप यांनी 9 हजार 960 मतांची आघाडी घेतली आहे. त्यांच्याविरुद्ध राष्ट्रवादी काँग्रेस पार्टी शरदचंद्र पवार पक्षाचे अभिषेक कळमकर उभे आहेत.
इस्लामपूर मतदारसंघात तिसरी फेरी
जयंत पाटील - ४६०९
निशिकांत पाटील ४२८८
जयंत पाटील मतांची आघाडीवर -३२१
बारामती विधानसभा दुसरी फेरी
अजित पवार - 8548
युगेंद्र पवार - 5196
अजित पवार 3352 दुसऱ्या फेरीत आघाडीवर
दोन फेऱ्यांचे मिळून अजित पवार 6975 मतांनी आघाडीवर
अहिल्यानगर जिल्ह्यातील श्रीगोंदा मतदारसंघात शिवसेना उद्धव बाळासाहेब ठाकरे पक्षाच्या अनुराधा नागवडे पिछाडीवर पडल्या असून, भाजपचे विक्रमसिंह पाचपुते यांनी 3 हजार 504 मतांची आघाडी घेतली आहे. श्रीरामपूरमध्ये एकनाथ शिंदे यांच्या शिवसेनेचे बंडखोर माजी आमदार भाऊसाहेब कांबळे यांनी 1 हजार 700 मतांची आघाडी घेतली आहे. नेवासा मतदारसंघात शिवसेना उद्धव बाळासाहेब ठाकरे पक्षाचे शंकरराव गडाख पिछाडीवर पडले आहेत. अहिल्यानगर शहर मतदारसंघातील राष्ट्रवादी काँग्रेसचे संग्राम जगताप यांनी दुसऱ्या फेरीत 6 हजार 265 मतांची आघाडी घेतली आहे.
जुन्नर विधानसभा मतमोजणी
सत्यशील शेरकर - 1392
अतुल बेनके - 1116
शरद सोनवणे - 1335
देवराम लांडे - 4859
लांडगे २,२०९ मतांनी आघाडीवर
गव्हाणे - ५,४८२
लांडगे - ७,६९१
कसबा पेठ मतदारसंघात रवींद्र दंगेकर पहिल्या फेरीत 640 मतांनी आघाडीवर धंगेकर यांना 5284 मते तर रासने यांना 4644 मते
ठाणे पाचपाखाडीमधुन एकनाथ शिंदे आघाडीवर तर ठाणे शहर मधून संजय केळकर आघाडीवर कळवा मुंब्रा - जितेंद्र आव्हाड आघाडीवर. ओवळा माजिवडामधून प्रताप सरनाईक आघाडीवर
अहिल्यानगर जिल्ह्यातील पारनेर मतदारसंघात राष्ट्रवादी काँग्रेस पार्टी शरदचंद्र पवार पक्षाच्या राणी लंके दीड हजार मतांनी पिछाडीवर पडल्या आहेत. अजित पवार यांच्या राष्ट्रवादी काँग्रेस पक्षाचे काशीनाथ दाते यांनी आघाडी घेतली आहे. शिर्डी विधानसभा मतदारसंघात भाजप नेते राधाकृष्ण विखे यांनी पहिल्या फेरीत अडीच हजार मतांची आघाडी घेतली आहे. तिथं काँग्रेसच्या प्रभावती घोगरे मागे पडल्या आहेत. तसेच अहिल्यानगर शहर मतदारसंघात राष्ट्रवादी काँग्रेस पक्षाचे आमदार 2200 मतांनी आघाडीवर आहेत.
मावळ पहिली फेरी
सुनील शेळके : 5399
बापू भेगडे : 2108
पहिल्या फेरी अखेर इस्लामपूर मधून जयंत पाटील 691 मतांनी आघाडीवर तर तासगाव कवठेमहाकाळ मधून पहिल्या फेरी अखेर रोहित पाटील यांची 300 मतांची आघाडी
वडगाव शेरीतून सुनील टिंगरे आघाडीवर
कसबा मतदासंघातून हेमंत रासने आघाडीवर
हडपसर मतदासंघातून चेतन तुपे आघाडीवर
कोथरूड मधून चंद्रकांत पाटील आघाडीवर
पुरंदर मधून विजय शिवतारे 2500 मतांनी आघाडीवर
कोल्हापूर उत्तर मधून राजेश लाटकर आघाडीवर.
पहिल्या फेरीत महायुतीचे उमेदवार राजेश क्षीरसागर यांना 4472 मते तर महाविकास आघाडीचे पुरस्कृत उमेदवार राजेश लाटकर यांना 7014 इतकी मते. राजेश लाटकर 2542 मताने आघाडीवर कसबा बावडा येथील पहिली फेरी पडली पार.
अहिल्यानगर जिल्ह्यातील 12 मतदारसंघात पोस्टल मतदान मोजणीला सुरवात झाली आहे. संगमनेरमधून बाळासाहेब थोरात, पारनेरमधून राणी लंके, कर्जत-जामखेडमध्ये रोहित पवार, अहिल्यानगर शहर मतदारसंघात संग्राम जगताप, श्रीगोंदामध्ये अनुराधा नागवडे, शिर्डीमध्ये राधाकृष्ण विखे, नेवाशात शंकरराव गडाख पोस्टल मत मोजणीत आघाडीवर आहेत.
नाशिकमध्ये खासगी विमान दाखल, हे विमान अदानींचं असल्याची माहिती समोर आली आहे.
एकनाथ शिंदे
अतुल भातखळकर
प्रताप सरनाईक
राजेश टोपे
अब्दुल सत्तार
दिलीप वळसे पाटील
झिशान सिद्दीकी
हे सध्या आघाडीवर...
बारामतीत अजित पवार आणि युगेंद्र पवार अशी लढत होत आहे. पोस्टल मतमोजणीत बारामतीमधून युगेंद्र पवार आघाडीवर आहेत.
राज्यात पोस्टल मतमोजणीला सुरुवात. साडे आठ पासून 'इव्हीएम' मधील मतमोजणीला सुरवात होणार.
शिवसेना उद्धव बाळासाहेब ठाकरे पक्ष आणि राष्ट्रवादी काँग्रेस शरदचंद्र पवार पक्षाने निवडणुकीचा निकाल जाहीर होण्यापूर्वीच आपल्या उमेदवारांकडून 2 दिवसांत प्रतिज्ञापत्र लिहून घेतली आहेत. निवडून आल्यानंतर आपण पक्षासोबतच राहू असा उल्लेख या प्रतिज्ञापत्रावर करण्यात आला आहे. त्यामुळे याआधी पक्षातील बंडोखोरी लक्षात घेता यावेळी दोन्ही पक्षांनी ही खबरदारी घेतल्याचं पाहायला मिळत आहे. शिवाय निकालानंतर पुन्हा दगाफटका होऊ नये यासाठी ही काळजी दोन्ही पक्षाकडून घेण्यात येत असल्याची माहिती सूत्रांनी दिली आहे.
Eknath Shinde Live News Updates : महाराष्ट्र विधानसभा निवडणुकीच्या मतमोजणीला काही क्षणात सुरूवात होणार आहे. मात्र, निकालाआधीच अकोल्यात एकनाथ शिंदे यांचे मुख्यमंत्री म्हणून बॅनर लागले आहेत. महायुती आणि महाविकास आघाडीत MVA V/S Mahayuti मुख्यमंत्रि‍पदावरून विविध नेत्यांनी दावे करायला सुरुवात केली आहे. शिंदेंच्या शिवसेनेकडून एकनाथ शिंदे यांच्या नावाला पसंती दिली जात आहे. तर भाजपकडून देवेंद्र फडणवीस हेच मुख्यमंत्री व्हावेत अशी इच्छा व्यक्त केली जात आहे. अशातच निकालाआधीच अकोल्यात मुख्यमंत्री म्हणून एकनाथ शिंदे यांच्या अभिनंदनचे बॅनर लागले आहेत.
मंत्रालय अधिकाऱ्याला धमकी व शिवीगाळ प्रकरणातून प्रहारचे आमदार बच्चू कडू यांची निर्दोष सुटका झाली आहे. त्यामुळे ऐन निवडणुकीच्या निकालापूर्वी कडू यांना मोठा दिलासा मिळाला आहे. बच्चू कडू यांच्याविरोधातील खटला मुंबई सत्र न्यायालयाकडून आता निकाली काढण्यात आला आहे. सनदी अधिकारी प्रदीप बी. महाराष्ट्र मंत्रालयात माहिती तंत्रज्ञान विभागाचे संचालक म्हणून कार्यरत होते. 'महापरिक्षा' वेबपोर्टलमधील काही त्रुटींबाबत जाब विचारण्यासाठी बच्चू कडू व त्यांच्या प्रहार संघटनेचे लोक मंत्रालयात आले होते. यावेळी 'महापरिक्षा' महाराष्ट्र आयटी कार्पोरेशनकडून घेतली जाते. कॉर्पोरेशनकडून माहिती मिळाली की लगेच देतो, असं उत्तर अधिकाऱ्याने देताच बच्चू कडू संतापले आणि त्यांनी टेबलावरील आयपॅड उचलून उगारत अधिकाऱ्याला शिवीगाळ केली होती. या प्रकरणी 27 सप्टेंबरला मरिन ड्राईव्ह पोलिस ठाण्यात तक्रार दिली होती. त्याआधारे पोलीसांनी एफआयआर दाखल करुन घेत तपास पूर्ण करत बच्चू कडूंविरोधात खटला वर्ग केला होता. याच प्रकरणात आता कडू यांना मोठा दिलासा मिळाला आहे.
Ajit Pawar vs yugendra Pawar News : संपूर्ण राज्याचं लक्ष लागून राहिलेल्या बारामती विधानसभा मतदारसंघात आज कोणाचा विजय लागणार याकडे सर्वांच्या नजरा लागल्या आहेत. थोड्याच वेळात बारामतीकरांनी यंदा कोणाला पसंती दिली हे आता लवकरच समजणार आहे. या मतदारसंघात उपमुख्यमंत्री अजित अजित पवार विरुद्ध पुतण्या योगेंद्र पवार यांच्या चुरशीची लढत झाली. आता सकाळी आठ वाजल्यापासून या मतदारसंघाची मतमोजणी सुरू होणार असून मतमोजणीसाठी 20 टेबल पोस्टल मतदानासाठी 8 टेबल आणि इलेक्ट्रॉनिक पोस्टल साठी 2 टेबल असणार आहेत. मतमोजणीच्या 30 फेऱ्या होणार आहेत. तर बारा वाजेपर्यंत निकालाचं चित्र स्पष्ट होण्याची शक्यता आहे.
महाराष्ट्र विधानसभा निवडणुकीसाठी Maharashtra Assembly Election 2024 वीस तारखेला मतदान झाले. शनिवारी सकाळी 8 वाजल्यापासून मतमोजणीला सुरुवात होणार आहे. निकालाचे काऊंटडाऊन सुरू झाले असून या निवडणुकीत कोण विजयी गुलाल उधळणार याकडे जनतेचे लक्ष लागले आहे. राज्याच्या राजकारणाच्या दृष्टीने आजचा दिवस अत्यंत महत्वाचा आहे. शिवसेना आणि राष्ट्रवादी काँग्रेसमध्ये उभी फूट पडल्यानंतर पहिल्यांदाच एकूण 158 पक्ष निवडणूक रिंगणात आहेत. त्यापैकी 6 मोठे पक्ष दोन आघाड्यांचा भाग आहेत. विधानसभेच्या 288 जागांसाठी बुधवारी ६५ टक्के इतके विक्रमी मतदान झाल्यानंतर आज मतमोजणी Maharashtra Vidhan Sabha Election Result होणार आहे. राज्यातील 288 जागांसाठी 4 हजार 136 उमेदवार रिंगणात आहेत. यात ३ हजार ७७१ पुरुष, ३६३ महिला आणि दोन इतर उमेदवार आहेत. यंदाच्या निवडणुकीत दिग्गजांची प्रतिष्ठा पणाला लागली आहे. 158 पक्ष यंदा विधानसभेच्या रिंगणात आहेत. तर अपक्ष 2 हजार 86 उमेदवार रिंगणात आहेत. महायुतीविरूद्ध महाविकास आघाडी असा थेट सामना होत आहे. त्याशिवाय मनसे, वंचित बहुजन आघाडी, एमआयएम व त्याशिवाय परिवर्तन महाशक्ती तिसरी आघाडीमध्ये प्रहार, स्वतंत्र भारत पक्ष, स्वराज्य पक्ष, स्वाभिमानी शेतकरी हे पक्ष निवडणूक रिंगणात उतरले आहेत. त्यामुळे दिग्गजांची प्रतिष्ठा यंदाच्या निवडणुकीत पणाला लागली आहे. बारामती, इंदापूर, दौंड, नांदेड येवला, कवठे- महांकाळ, माहिम, वरळी, कराड दक्षिण, कोल्हापूर उत्तर, परळी या मतदारसंघातील लढतींकडे सगळ्याचं लक्ष लागले आहे. विधानसभा निवडणुकीच्या निकालाच्या पार्श्वभूमीवर राज्यात महत्त्वाच्या घडामोडी घडणार असून त्याकडे सर्वांचे लक्ष असणार आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
वेबसाईटवर ब्राउझिंगचा अनुभव सर्वोत्तम असावा, यासाठी आम्ही कुकीजचा वापर करतो. कुकीजमुळे तुम्हाला तुमच्या आवडत्या मजकुराची शिफारस करता येते. आमचे गोपनीयता आणि कुकीजसंदर्भातील धोरण तुम्हाला मान्य आहे.
