Pune News : वर्धापन दिनाच्या कार्यक्रमानंतर उपमुख्यमंत्री एकनाथ शिंदे नेतृत्व करत असलेल्या शिवसेना आणि शिवसेना उद्धव बाळासाहेब ठाकरे पक्षांमध्ये संघर्ष वाढताना पाहायला मिळत आहे. वर्धापन दिनाच्या भाषणादरम्यान उद्धव ठाकरे यांनी दिलेल्या आव्हानाला एकदा शिंदे यांनी आपल्या भाषणातून उत्तर दिलं. मात्र यानंतर दोन्ही सेनेच्या शिवसैनिकांमध्ये मोठ्या प्रमाणात संघर्ष पाहायला मिळत आहे.
मंगळवारी मुंबईतील शिवसेना वर्धापन दिनाच्या कार्यक्रमात उद्धव ठाकरे यांनी “Come on, kill me” असा आव्हानात्मक दावा केला. यावर उपमुख्यमंत्री एकनाथ शिंदे यांनी ‘मेरे हुए को क्या मारना?’ असा प्रत्युत्तर दिल. या दोघांमध्ये झालेल्या शाब्दीक युद्धाच्या प्रतिक्रिया आता स्थानिक पातळीवर देखील उमटताना पाहायला मिळत आहे.
पुण्यामध्ये शिवसेना उद्धव बाळासाहेब ठाकरे पक्ष शहर प्रमुख नाना भानगिरे यांनी शहरातील प्रमुख भागांमध्ये भले मोठे पोस्टर लावले आहेत. या पोस्टर मध्ये उद्धव ठाकरे यांच्या व्यंगचित्रांचा वापर करण्यात आला आहे. या व्यंगचित्रांमध्ये उद्धव ठाकरे यांच्या एका हातात कुबडी तर दुसऱ्या हातामध्ये ऑक्सिजनचा , टॅंक पाहायला मिळत आहे तसेच या ऑक्सिजनच्या टॅंकवर काँग्रेस पक्षाच्या चिन्ह असलेलं हातात निशाण पाहायला मिळत आहे.
यातून एक प्रकारे काँग्रेसच्या ऑक्सिजन वर उद्धव ठाकरे यांचा पक्ष तग धरून असल्याचं सांगण्याचा प्रयत्न करण्यात आलेला आहे. तर दुसरीकडे उपमुख्यमंत्री एकनाथ शिंदे यांचे व्यंगचित्र काढून त्यामध्ये त्यांच्या हातामध्ये भगवा झेंडा आणि धनुष्यबाणाचे चिन्ह देण्यात आला आहे.एक प्रकारे या व्यंगचित्रातून शिंदे यांनी पक्ष, चिन्ह आणि हिंदुत्व राखलं असल्याचं दाखवण्याचा प्रयत्न करू उद्धव ठाकरे यांच्या सेनेला डिवचण्याचा प्रयत्न केला.
त्यानंतर आता शिवसेना उद्धव बाळासाहेब ठाकरे पक्षाकडून देखील पोस्टरबाजीनेच याला उत्तर देण्यात आले आहे. शहरातील प्रमुख चौकामध्ये ठाकरेंच्या शिवसेनेने पोस्टर लावले आहे. शहर प्रमुख संजय मोरे यांच्या माध्यमातून हे पोस्टर लावण्यात आले आहे. या पोस्टमध्ये एकीकडे एकनाथ शिंदे हे उद्धव ठाकरे यांच्या पाया पडून आशीर्वाद घेत आहेत. तर दुसऱ्या व्यंगचित्रांमध्ये शिंदे हे झुकेगा मै... म्हणत वाकून देवेंद्र फडणवीस यांना मुख्यमंत्र्याच्या खुर्ची पर्यंतचा रस्ता करून देत असल्याचं दाखवण्यात आला आहे. तसेच याला निष्ठेचे विचार सोडून सत्तेसाठी एक लाचार असं कॅप्शन देण्यात आला आहे.
त्यासोबतच एकनाथ शिंदे यांनी उद्धव ठाकरे यांच्या नेतृत्वात उपभोगलेल्या पदांची यादी देखील देण्यात आली आहे. त्यामध्ये उद्धव ठाकरे यांनी एकनाथ शिंदे यांना विरोधी पक्षनेता, नगरविकास मंत्री, आणि दोनदा सार्वजनिक बांधकाम मंत्री केल्याचं नमूद करण्यात आला आहे. या पोस्टरबाजीच्या निमित्ताने दोन्ही सेना आमने-सामने आल्याच्या पाहायला मिळत आहेत. आगामी स्थानिक स्वराज्य संस्थांच्या निवडणुकीच्या आगामी काळात हा संघर्ष आणखी गडद होण्याची शक्यता आहे
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.