तळेगाव दाभाडे : राज्यात भाजप–शिवसेना–राष्ट्रवादीची महायुती असली तरी मावळ तालुक्यात स्थानिक निवडणुकीत ही आघाडी लागू होणार नाही की नाही, अशी चर्चा होत असताना मावळमध्ये राजकीय समीकरणे बदलणार की काय अशी परिस्थिती निर्माण झाली आहे. राजकारण बाजूला ठेवून तालुक्यातील दोन कट्टर नेते एकत्र येणार असल्याचे चित्र आहे.
मावळ तालुक्याच्या राजकारणातील कट्टर प्रतिस्पर्धी म्हणून ओळखली जाणारी जोडी म्हणजे आमदार सुनील शेळके आणि माजी राज्यमंत्री बाळा भेगडे अखेर एकाच मंचावर ‘मिले सूर मेरा तुम्हारा’ची झलक दाखवत एकत्र आली.
या एकतेच्या हाकेमुळे मावळ तालुक्यातील राजकीय समीकरणांना नवी दिशा मिळण्याची चिन्हे दिसत आहेत. दोघांमधील या सलोख्यामुळे ‘मामा-भाचा’ जोडी पुन्हा एकत्र आल्याची चर्चा रंगली असून, दोघांत भांडण लावणाऱ्यांची चांगलीच फजिती झाल्याचेही बोलले जात आहे.
कार्यक्रमादरम्यान आमदार सुनील शेळके यांनी मावळच्या विकासासाठी सर्वांनी एकत्र येण्याचे आवाहन करत, “राजकारण बाजूला ठेवून जर बाळा भेगडे यांनी टाळी दिली, तर मावळ तालुक्याचा विकास अधिक वेगाने साधता येईल,” असे वक्तव्य केले.त्यावर भेगडे म्हणाले, “तालुक्यातील निवडणुका बिनविरोध करून महिलांना विमान प्रवास घडवू; तसेच कार्यकर्त्यांनाही देश-विदेशात नेऊ.”
मागील विधानसभा निवडणुकीत भेगडे यांनी भाजपचे नेते असूनही महायुतीच्या निर्णयाविरुद्ध जाऊन शेळके यांच्या विरोधात प्रचार केला होता. त्यामुळे त्यांच्या नात्यात निर्माण झालेला तणाव आता ओसरताना दिसत आहे.
आमदार शेळके म्हणाले, “मावळच्या विकासासाठी राजकीय मतभेद बाजूला ठेवून युती करावी म्हणून मी बाळा भेगडे यांच्या दिशेने एक हात पुढे केला आहे. आता त्यांनी टाळी द्यायची की नाही, हे त्यांच्यावर अवलंबून आहे.”
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.