NCP Politics : पुणे महापालिकेत राष्ट्रवादीचे धक्कातंत्र, स्वीकृत नगरसेवकांची नावे जाहीर, 'या' नेत्यांना मिळाली संधी

Pune News : पुणे महापालिका निवडणुकीत भाजपची सत्ता आली. भाजपच्या वाट्याला सात स्वीकृतनगरसेवक पद आली आहेत. तर, विरोधातील राष्ट्रवादी काँग्रेसच्या वाट्याला दोन पद आली आहे. भाजपने आपले सात उमेदवार जाहीर केले आहेत. त्यामुळे राष्ट्रवादीकडून कोणाला संधी मिळणार याची उत्सुकत होती.

राष्ट्रवादीने स्वीकृत नगरसेवक म्हणून दोन जणांची नावे जाहीर करताना अनुभवी आणि युवा याचा समतोल साधला आहे. माझी महापौर दत्तात्रय धनकवडे आणि युवक राष्ट्रवादी काँग्रेस पदाधिकारी राकेश कामठे यांना स्वीकृत नगरसेवक म्हणून राष्ट्रवादीने संधी दिली आहे.

दत्तात्रय धनकवडे हे पक्षातील ज्येष्ठ नेते आहेत. 2014 मध्ये महापौर म्हणून त्यांना पक्षाकडून संधी धेण्यात आली होती. राष्ट्रवादी काँग्रेसचे धनकवडी, बालाजीनगर, आंबेगाव परिसरात नेहमीच वर्चस्व राहिले आहे, मात्र या निवडणुकीत भाजपने येथे आपले नगरसेवक निवडून आणत राष्ट्रवादीच्या वर्चस्वाला धक्का लावला आहे. त्यामुळे पक्ष संघटनेच्या दृष्टिने या भागातील दत्तात्रय धनकवडे यांना संधी दिल्याने येथील कार्यकर्त्यांना बळ मिळेल, असे सांगितले जात आहे.

काँग्रेसकडून सुनील शिंदे

काँग्रेसच्या वाट्याला अवघे एक स्वीकृत नगरसेवकपद येणार होते. पक्षातील वरिष्ठ नेत्यांसह अनेक जण याच्यासाठी इच्छुक होते. स्वीकृत नगरसेवकपदाबाबत दिल्लीतून देखील हालचाली केल्या जात असल्याचे वृत्त होते. अखेर येथे कामगार नेते सुनील शिंदे यांना काँग्रेसकडून स्वीकृत नगरसेवकपदाची संधी देण्यात आली आहे.