Pune News : उपमुख्यमंत्री अजित पवार यांच्या राष्ट्रवादी काँग्रेसच्या महिला प्रदेशाध्यक्ष आणि राज्य महिला आयोगाचे अध्यक्ष रूपाली चाकणकर आणि पुण्यातील नेत्या रूपाली पाटील ठोंबरे यांच्यातील वाद अद्याप थंडावलेला नाही. नगरपालिकांच्या निवडणुकांमुळे सध्या या वादाकडे नेत्यांचे लक्ष नसले तरी अंतर्गत कलह कमी झालेला नाही.
नुकतीच रूपाली ठोंबरे यांनी उपमुख्यमंत्री एकनाथ शिंदे यांच्या शिवसेनेचे खासदार श्रीकांत शिंदे यांची भेट घेतल्याचे फोटो व्हायरल झाले. यानंतर रूपाली ठोंबरे या शिंदेच्या शिवसेनेमध्ये प्रवेश करणार असल्याची चर्चा सुरू झाल्या आहेत. यावर प्रतिक्रिया देताना रूपाली ठोंबरे यांनी ही भेट कामानिमित्त होती. मात्र, जर चांगली ऑफर आली तर आपण पक्षाला सोडचिट्टी देऊ, असे देखील रूपाली ठोंबरे यांनी स्पष्ट केले आहे.
भेटी बाबत खुलासा करताना रुपाली पाटील यांनी प्रदेशाध्यक्ष सुनील तटकरे आणि महिला आयोगाच्या अध्यक्ष रूपाली चाकणकर यांच्यावर गंभीर आरोप केले आहेत. त्या म्हणाल्या, गेल्या साडेतीन वर्षांपासून मी राष्ट्रवादी काँग्रेसमध्ये काम करत आहे. या साडेतीन वर्षांमध्ये पक्षाचे अध्यक्ष अजित पवार यांनी विविध माध्यमातून कामाची संधी दिली.
गेल्या काही दिवसांपासून मात्र अंतर्गत कुरघोड्यांचं राजकारण सुरू आहे. प्रवक्ते पदाच्या फेरनिवडीबाबत देखील राजकारण करण्यात आलं. बाल हट्ट, स्त्री हट्ट पुरवण्यासाठी काही नेत्यांनी राजकारण केलं, असं म्हणत नाव न घेता रूपाली ठोंबरे यांनी रूपाली चाकणकर आणि सुनील तटकरे यांच्यावर निशाणा साधला.
राष्ट्रवादी काँग्रेसमध्ये चाकणकर यांच्यामुळे काही लोक जाणीवपूर्वक त्रास देत असतील तर तो त्रास सहन करून त्या ठिकाणी राहणं योग्य नसल्याचं मन सांगत आहे. मात्र सध्याच्या घडामोडींबाबत माझं अजित पवार यांच्यासोबत बोलणं झालेले नाही. निवडणुकीच्या गडबडीमध्ये ते राहून गेले आहे. त्यामुळे 3 तारखेनंतर याबाबत निश्चित काही तरी मी निर्णय घेईल, असं रूपाली पाटील ठोंबरे म्हणाल्या.
प्रांताध्यक्षांना मी सांगितलं आहे की, एक व्यक्ती एक पद द्या. बाकीच्या महिला कार्यकर्त्यांना देखील सामावून घ्या. पक्षासाठी चांगलं काम करणाऱ्या महिला नेत्या आहेत. त्यांना देखील सामावून घ्यावं. मात्र हे बोलणं माझी चूक असल्याचे चाकणकर यांना वाटतं आहे. त्यामुळे प्रांताध्यक्ष यांच्या माध्यमातून चाकणकर या जी काही पद दिली जातात त्यावर स्थगिती आणतात, असा आरोप रूपाली पाटील ठोंबरे यांनी केला.
मला अजित पवार यांनी पुण्यामध्ये कार्याध्यक्षपद दिले आहे. जर चाकणकर यांना ते देखील तटकरे यांच्या माध्यमातून काढून घ्यायचं असेल तर त्याचाही राजीनामा द्यायला मी तयार असल्याचं रूपाली पाटील ठोंबरे म्हणाल्या. तसेच मला इतर पक्षातून देखील ऑफर असून योग्य वेळी त्याबाबत निर्णय घेणार असल्याचं त्या म्हणाल्या.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.