Pune ATS News : धक्कादायक! DRDO चे संचालक अडकले हनी ट्रॅपमध्ये, पाकिस्तानला पाठवली संवेदनशील माहिती?

DRDO Officer Arrest In Pune : पुण्यातील संरक्षण संशोधन संस्थेच्या (डीआरडीओ) संचालक प्रदीप कुरूळकर यांना एटीएस कडून अटक करण्यात आली आहे. हनी ट्रॅपमध्ये अडकून शत्रूराष्ट्र पाकिस्तानला कुरूळकर माहिती पुरवत असल्याचा संशयातून त्याला अटक करण्यात आली आहे. यामुळे एकच खळबळ उडाली आहे. या संबंधीचे वृत्त इंडियन एक्स्प्रेसने दिली आहे.

डीआरडीओ ही संस्था लष्कराच्या युद्धसाहित्य आणि तंत्रज्ञान विकसित करण्याचा काम करते. यामुळे ही सुरक्षेच्या दृष्टीने अतिशय संवेदनशील संस्था आहे. याचे संचालक करूलकर हनी ट्रॅपमध्ये अडकले.

त्यांनी व्हिडाओ चॅटच्या माध्यमातून आणि इतर सोशल मिडीयाचा माध्यमातून महत्त्वाची आणि संवेदनशील गुपितं माहिती पाकिस्तानला दिली गेली, असा संशय एटीएसला आहे. त्यामुळे मुंबईमध्ये त्यांच्याविरूद्ध गुन्हा दाखल करण्यात आला आहे. त्यानंतर आता त्यांना अटक करण्यात आली आहे. या प्रकरणाचा तपाल आता पुणे एटीएसकडे सोपवण्यात आला आहे.

डि. आर. डी. ओ. चे संचालक कुरूलकर यांनी आपल्या पदाचा गैरवापर करत त्यांच्या कार्यक्षेत्रात येणारी संवेदनशील माहिती, शत्रूराष्ट्र पाकिस्तानला पुरवल्याचा संशय आहे. यानंतर दहशतवाद विरोधी पथकाने कारवाई करत त्यांनी अटक केली आहे.