Pune News : काँग्रेस नेते तथा लोकसभा विरोधी पक्षनेते राहुल गांधी यांना आज पुणे न्यायालयात हजर राहण्याचे आदेश दिला आहे. त्यामुळे राहुल गांधी न्यायालयात हजर राहणार का? याकडे सर्वांचेच लक्ष लागले आहे.
वीर सावरकर यांचे नातू सात्यकी सावरकर यांनी राहुल गांधींविरोधात मानहानीची तक्रार दाखल केली होती. यासंदर्भात आज कोर्टामध्ये सुनावणी होणार आहे.
पुण्यातील (Pune) न्यायालयाने राहुल गांधींना कोर्टात हजर राहण्यास सांगितले आहे. स्वातंत्र्यवीर विनायक दामोदर सावरकर यांचे नातू सात्यकी सावरकर यांनी राहुल गांधींविरोधात मानहानीची तक्रार दाखल केली होती. त्यासाठी राहुल गांधींना आज पुणे न्यायालयात हजर राहावे लागणार आहे. याआधीही नोव्हेंबरमध्ये राहुल गांधींना या प्रकरणी कोर्टात हजर राहण्यास सांगण्यात आले होते. मात्र ते कोर्टात हजर झाले नाहीत. समन्स न मिळाल्याचे कारण त्यांनी यामागे दिले होते. आता पुन्हा एकदा त्यांना हजर राहण्याचे आदेश दिल्यानंतर ते कोर्टात हजर राहणार का? याकडे सर्वांचे लक्ष लागले आहे.
सात्यकी सावरकर यांनी राहुल गांधींविरोधात (Rahul Gnadhi) पुण्यातील न्यायालयात तक्रार दाखल केली होती. या तक्रारीत म्हटले आहे की, राहुल गांधी यांनी मार्च महिन्यात लंडनमध्ये केलेल्या भाषणात सावरकरांच्या एका पुस्तकात मुस्लिम व्यक्तीला मारहाण केल्याबद्दल आनंद व्यक्त केला होता, असे म्हटले होते.
सात्यकी यांनी आपल्या तक्रारीत म्हटले आहे की, राहुल गांधी भाषणा दरम्यान म्हणाले की, सावरकरांनी पुस्तकात लिहिले आहे. त्यात त्यांच्या 5-6 मित्रांनी एकदा एका मुस्लिम व्यक्तीला मारहाण केली होती. ज्यामुळे ते खूप आनंदी होते. त्यांच्या या टिप्पणीविरोधात न्यायालयात याचिका दाखल करण्यात आली असून सावरकरांनी कोणत्याही पुस्तकात असे म्हटलेले नाही, असा सात्यकी सावरकर यांचा दावा आहे. या प्रकरणी विश्रामबाग पोलिसांच्या प्राथमिक तपासात ही तक्रार खरी असल्याचे निष्पन्न झाले आहे.
या प्रकरणाची 4 ऑक्टोबरला संयुक्त दिवाणी न्यायालयासमोर सुनावणी झाली होती, त्यानंतर राहुल गांधींना हजर राहण्यास सांगण्यात आले. यासाठी 23 ऑक्टोबरला समन्स बजावण्यात आले होते. मात्र राहुल गांधी न्यायालयात हजर राहिले नाहीत. यासंदर्भात आपल्याला कोणतेही समन्स मिळाले नसल्याचे त्यांनी सांगितले. यानंतर, त्याला पुन्हा समन्स बजावण्यात आले आणि 2 डिसेंबरला पुण्यातील न्यायालयात हजर राहण्यास सांगितले. त्यासाठी राहुल गांधी आज पुणे न्यायालयात हजर राहणार का? हे पाहावे लागेल.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.