Pune Loksabha Election : पुणे लोकसभेची निवडणूक होणार? प्रशासनाची तयारी सुरू...

Pune Loksabha Election : पुणे लोकसभा पोटनिवडणूक होण्याची शक्यता वर्तवली जात आहे. पुण्याचे खासदार गिरीश बापट (Girish Bapat) यांच्या निधनामुळे रिक्त झालेल्या पुणे लोकसभेची जागा आहे. प्रशासनाकडून या निवडणुकीची सद्या तयारी करण्यात येत आहे. मतदान केंद्राची पाहणी करण्याचे आदेश देखील देण्यात आले आहेत. पुणे लोकसभा मतदान केंद्रांची पाहणी केली जात आहे. आणि याबाबत लेखी अहवाल सादर करणाचे आदेश देण्यात आले आहेत.

पु्ण्याचे खासदार गिरीश बापट यांच्यानिधनानंतर पुणे लोकसभा रिक्त झाली आहे. पुण्याची पोटनिवडणूक होणार नाही, असे बोलले जात होते. पुढच्या मे २०२४ मध्ये लोकसभेच्या निवडणुका होणार आहेत. यामुळे ही निवडणूक न होता, ही जागा रिक्त ठेवली जाणार अशी चर्चा होती. मात्र प्रशासनाकडून या निवडणुकीसाठी तयारी करण्यात आहे. मतदान केंद्राची चाचपणी करण्यात येत आहे.

निवडणूक आयोगाकडून अद्याप कसलीही सूचना आले नाहीत, असं प्रशासनाने सांगितले आहे. यामुळे आता निवडणूक होणार अशी दाट शक्यता वर्तवण्यात येत आहे. सहा महिन्यांपेक्षा जास्त काळ खासदाराची जागा रिक्त ठेवता येत नाही. याच पार्श्वभूमीवर काही कालावधीत ही निवडणूक घेतली जाईल. निवडणूक बिनविरोध झालीच नाही, मतदान प्रक्रियेची वेळ आली तर त्यासाठी ही प्रशासनाची तयरी सुरू झाली आहे.