Pune News : दिवंगत उपमुख्यमंत्री अजित पवार यांना श्रद्धांजली वाहणारे असंख्य पोस्टर राज्यभर आणि पुणे शहरात लागले आहेत. असाच एक पोस्टर पुण्यातील सेनापती बापट रोडवर लावण्यात आला आहे. त्याच्याच शेजारी असलेल्या महापालिकेच्या जलवाहिनीतून अचानकपणे पाण्याचे फवारे उडू लागले आणि अजित पवार यांच्या पोस्टरला जलाभिषेक सुरु झाला, हे असं सांगणारे व्हिडिओ सध्या सोशल मीडियावर व्हायरल होताना पाहायला मिळत आहेत.
फर्ग्युसन महाविद्यालयाच्या टेकडीवर उभारण्यात आलेल्या पाण्याच्या टाकीला जलवाहिनी जोडण्याचे काम महापालिकेकडून सुरु आहे. त्यादरम्यान सेनापती बापट रस्त्यावर बंद जलवाहिनीत शिल्लक असलेले पाणी प्रेशरने हवेत उडून रस्त्यावर मोठ्या प्रमाणात साठले आहे.
आज शहरात अनेक ठिकाणी पाणीपुरवठा बंद करून जलवाहिनीचे काम करण्यात येत आहे. त्यामुळे जलवाहिनी फुटली नसून जोडण्याचे काम सुरू आहे असं स्पष्टीकरण महापालिकेकडून (PMC) देण्यात आलं आहे.
मात्र या फवारे उडत असलेल्या जलवाहिनीच्या बाजूला दिवंगत उपमुख्यमंत्री अजित पवार यांना भावपूर्ण श्रद्धांजलीचा फ्लेक्स लावण्यात आला आहे. या पाण्याच्या फवाऱ्याने जणू काही जलाभिषेकच होत आहे, असं भासत होतं. याबाबतचे व्हिडिओ सोशल मीडियात व्हायरल होत आहे. अजित दादांवर नितांत प्रेम करणाऱ्या लोकांना निसर्गाने दादांच्या पोस्टरवर या न त्या मार्गाने जलाभिषेक केला असल्याचं म्हटलं आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.