पुण्यातील वडगाव शेरी मतदारसंघात दोन्ही राष्ट्रवादी काँग्रेसमधील नेत्यांमध्ये शीतयुद्ध रंगले आहे. राष्ट्रवादी काँग्रेस शरदचंद्र पवार पक्षाचे वडगाव शेरीचे आमदार बापू पठारे आणि राष्ट्रवादी काँग्रेसचे पदाधिकारी बंडू खांदवे यांच्यात काही दिवसापूर्वी झालेल्या वादाला नवीन वळण लागले आहे.
बापू पठारे यांना धक्काबुक्की केल्याची घटना नुकतीच काही दिवसापूर्वी घडली होती. याप्रकरणी बंडू खांदवे यांच्यासह 20 जणांवर गुन्हा दाखल करण्यात आला होता. आता बापू पठारे यांच्यासह त्यांच्या दोन्ही मुलांवर देखील गुन्हा दाखल करण्यात आला आहे. विमानतळ पोलिस ठाण्यात आमदार पिता-पुत्रांच्या विरोधात ही कारवाई करण्यात आली आहे. त्याचबरोबर पठारे यांचा पुतण्या माजी नगरसेवक महेंद्र पठारे यांच्या विरोधातही गुन्हा दाखल करण्यात आला आहे.
बंडू खांदवे यांना जबर मारहाण करणे आणि त्याचबरोबर त्यांच्या गळ्यातील सोनसाखळी हिसकावून घेण्याचा गुन्हा आमदार पठारे यांच्या विरोधात दाखल करण्यात आला आहे. याबाबत बंडू खांदवे यांनी पोलिसांकडे तक्रार दिली होती. त्यानंतर आमदार पठारे यांच्यासह त्यांची दोन मुले, पुतण्या अशा एकूण नऊ जणांविरोधात हा गुन्हा दाखल करण्यात आला आहे
दोन दिवसांपूर्वी लोहगावमध्ये एका कार्यक्रमात दरम्यान बापू पठारे आणि बंडू खांदवे यांच्यात झाला होता. त्यावेळी हाणामारी झाली होती.त्यानंतर पठारे यांच्या चालकाच्या तक्रारीवरून बंडू खांदवे यांच्या विरोधात गुन्हा दाखल झाला होता. त्यानंतर आता बंडू खांदवे यांच्या तक्रारीवरून आमदार पठारे यांचे विरोधात गुन्हा दाखल झाला आहे.
एका सार्वजनिक कार्यक्रमात बापू पठारे आणि त्यांच्या समर्थकांना धक्काबुक्की झाली होती. शकील अजमोद्दीन शोख (वय ४६, रा. तुकारामनगर, खराडी) यांनी याप्रकरणी विमानतळ पोलिस ठाण्यात फिर्याद दिली आहे. त्यानंतर पोलिसांनी बंडू खांदवे याच्यासह २० जणांवर गुन्हा दाखल केला होता.
लोहगाव येथील गाथा लॉन्स येथे हा प्रकार घडला. एका माजी सैनिकांच्या सत्काराचा नियोजित कार्यक्रम होता. बापूसाहेब पठारे या कार्यक्रमाच्या ठिकाणी येत होते. त्याच वेळी कार्यक्रमातून बंडू खांदवे बाहेर येत असताना आमदार पठारे आणि खांदवे यांच्यात शाब्दिक वाद झाला. यानंतर झटापट झाली. आमदार पठारे यांना धक्काबुक्की करण्यात आली. पठारेंच्या समर्थकांना ही माहिती कळताच त्यांचे समर्थक तसेच खांदवेंचे समर्थक देखील तेथे आले. त्यामुळे परिसरात तणाव वाढला होता.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.