Rajgad Taluka Renaming : स्वराज्याची पहिली राजधानी असलेल्या राजगड किल्ल्याच्या पायथ्याशी असलेल्या वेल्हे तालुक्याचं नामांतर करण्यात आलं आहे. वेल्हे या गावाचं नाव बदलून ते राजगड असं करण्यात आलं आहे.
केंद्र सरकारने या नामांतराला मान्यता दिल्यामुळे आता वेल्हे तालुका राजगड नावाने ओळखला जाणार आहे. पुणे जिल्ह्यातील वेल्हे तालुक्यात राजगड, तोरणा या सारखे महत्वाचे ऐतिहासिक किल्ले आहेत.
तर याच तालुक्यातील राजगड किल्ल्यावरून छत्रपती शिवाजी महाराजांनी जवळपास 27 वर्षे स्वराज्याचा कारभार केला त्या किल्ल्याचे नाव वेल्हे तालुक्याला देण्याचा निर्णय मागील काही दिवसांपूर्वी राज्य मंत्रिमंडळाच्या बैठकीत घेण्यात आला होता.
या तालुक्याच्या नामांतरणाची मागणी मागील अनेक दिवसांपासून केली जात होती. ती मागणी अखेर पूर्ण झाली आहे. तर या नामकरणासाठी पुणे जिल्हा परिषदेच्या 22 नोव्हेंबर 2021 च्या सर्वसाधारण सभेत राजगड नावाची शिफारस मंजूर करण्यात आली होती.
राज्याचे विरोधी पक्षनेते असताना 27 एप्रिल 2023 ला अजित पवारांनी तत्कालीन मुख्यमंत्री एकनाथ शिंदेंना पत्र लिहून राजगड नावाची कार्यवाही लवकरात लवकर करण्याची मागणी केली होती. त्यानंतर अखेर आता केंद्राच्या मान्यतेनंतर वेल्हे तालुक्याचे नाव राजगड असे करण्यात आले आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.