Pune News, 29 May : पुण्यातील वैष्णवी हगवणे या विवाहितेने सासरच्या जाचाला कंटाळून गळफास घेऊन आत्महत्या केली. सुनेला त्रास देत आत्महत्येस प्रवृत्त केल्याचा आरोप हगवणे कुटुंबावर करण्यात आला आहे. याप्रकरणी पाच जणांवर गुन्हा दाखल करण्यात आला आहे.
या 5 आरोपींची पोलिस कोठडी काल बुधवारी संपल्यानंतर त्यांना पुण्यातील न्यायालयात हजर करण्यात आलं. यावेळी कोर्टाने पती हगवणे शशांक, सासू लता हगवणे आणि करिष्मा हगवणे यांना एक दिवसाची तर सासरे राजेंद्र आणि सुशील हगवणे यांना 31 मेपर्यंत पोलिस कोठडी सुनावली आहे.
या सुनावणीनंतर हगवणे कुटुंबियांच्या वकिलाने वैष्णवीबाबत अनेक धक्कादायक दावे केले. वैष्णवीच्या फोनमध्ये चॅट्स आणि काही आक्षेपार्ह गोष्टी सापडल्याचा दावा वकिलाने केला. शिवाय पतीने रागाच्या भरात पत्नीला चार कानाखाली मारणे हा काही कौटुंबिक हिंसाचार ठरत नाही, असा अजब दावा देखील त्यांनी केला.
तर छळ होण्यासाठी काहीतरी कारण असावं लागतं. त्यामुळे पोलिसांनी एकतर्फी तपास करू नये असंही वकील म्हणाले. दरम्यान, यावेळी वकिलांनी वैष्णवीच्या मोबाईलमधील चॅट्सचा उल्लेख केला. वैष्णवीचं एका व्यक्तीबरोबर तिचं चॅटिंग चालू होतं. यामुळे तिच्या आई-वडिलांनी तिचा फोन काढून घेतला.
मात्र, या फोनमधील चॅट आम्ही सुरक्षित ठिकाणी ठेवलं असून योग्य वेळ आल्यावर आम्ही ते चॅट्स न्यायालयासमोर ठेवू. ती व्यक्ती कोण याची माहिती आम्ही तपास अधिकाऱ्यांना दिली असल्याचा दावाही वकिलांनी केला. वकिलांच्या या दाव्यावर वैष्णवीचे मामा उत्तम बहिरट यांनी प्रतिक्रिया देत वकिलाचे दावे खोडून काढले आहेत.
ते म्हणाले, कोणीही गुन्हेगार सहजपणे आपला गुन्हा कबूल करत नाही. आम्हाला न्यायव्यवस्थेवर पूर्ण विश्वास आहे. पोलिसांचा तपास योग्य पद्धतीने चालू आहे. वकिलांनी केलेल्या आरोपांचा आम्ही निषेध करतो. तसंच आमचा आमच्या वकिलावर आम्हाला पूर्ण विश्वास आहे, असं उत्तम बहिरट म्हणाले.
दरम्यान, यावेळी त्यांनी वैष्णवीचं असं कोणतंही चॅटिंग झालं नसल्याचं स्पष्ट केलं. शवाय आम्ही कोणाचाही मोबाईल काढून घेतला नाही, असंही त्यांनी सांगितलं. ते म्हणाले "वैष्णवीचा मृत्यू 16 तारखेला झाला त्यानंतर नी स्वतः 17 तारखेला फोन करून बाळाची चौकशी केली. यावेळी माझं करिष्माबरोबर बोलणं झालं होतं. तेव्हा राजेंद्र हगवणे आणि त्याच्या मेव्हणीने सांगितलं की बाळ रडत आहे, त्याला घेऊन जा. ही एकतर्फी प्रेमाची बाब होती, पण दुसऱ्या बाजूला पैशांवर प्रेम होतं."
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.