Ravindra Dhangekar Victory : धंगेकरांची क्रेज संपेना : भाऊंच्या विजयामुळे 'एक का डबल ऑफर..'

Ravindra Dhangekar Victory : कसबा पेठ मतदारसंघाच्या पोटनिवडणुकीत महाविकास आघाडी पुरस्कृत काँग्रेसचे उमेदवार रवींद्र धंगेकर यांनी विजय मिळवाला. भाजपचे उमेदवार हेमंत रासने यांचा त्यांनी पराभव केला. यानंतर धंगेकर यांची नावाची एकच चर्चा माध्यमात आणि समाज माध्यमात दिसून येत आहे. निकास जाहीर होऊन एक दिवस उलटून गेला, मात्र धंगेकर नावाची क्रेज कमी होताना दिसत नाही. आता धंगेकर यांचा विजय झाल्याबद्दल 'बाय वन गेट वन' ची ऑफर देण्यात आली आहे.

धंगेकर यांच्या विजयाबद्दल पुण्यातील एका व्याव्यासायिकाने एक अनोखी ऑफर ठेवली आहे.रवींद्र धंगेकर विजयी झाल्याबद्दल एका रोलवर एक रोल फ्री, अशी ऑफर हॉटेल व्यावसायिकाकडून देण्यात आली आहे. कसबा मतदारसंघातील सदाशिव पेठेतल्या एका हॉटेल व्याव्यासायिकाने एक रोलवर एक रोल फ्री अशी भन्नाट ऑफर ठेवली आहे. ही ऑफर दोन दिवस सुरू राहणार आहे.

जवळपास तीन दशकांच्या मोठ्या कालावधीनंतर कसब्यात काँग्रेसचा झेंडा फडकला आहे. जवळपास एकतीस वर्षांनी कसब्याला बिगरभाजप आमदार मिळाला आहे. कसब्यात चौकाचौकात महाविकास आघाडीचा विजयी जल्लोष सुरू आहे. रवींद्र धंगेकर यांचे होर्डिंग्स मतदारसंघात लागले आहेत.