Satej Patil On CM Fadnavis : 'देवेंद्र फडणवीसांनी राहुल गांधींचा धसका घेतला...', सतेज पाटलांचा टोला; 'छात्रों की गुंज' तटस्थ व्यासपीठ!

Satej Patil News : शनिवारी राहुल गांधी 'छात्रों की गुंज' कार्यक्रमाच्या माध्यमातून पुण्यात विद्यार्थींशी संवाद साधणार आहे. या कार्यक्रमावर भाष्य करताना मुख्यमंत्री देवंद्र फडणवीस म्हणाले की, 'माझ्याकडे जी माहिती आहे त्या प्रमाणे काँग्रेस नेत्यांच्याद्वारे संचालित जी महाविद्यालय आहेत त्यातल्याच मुलींचे रजिस्ट्रेशन करायचं आणि त्यांनाच तिथे आणायचं, अशा पद्धतीचे आदेश आहेत.'

मुख्यमंत्री फडणवीस यांच्या या वक्तव्याचा काँग्रेस नेते सतेज पाटील यांनी समाचार घेतला आहे. एका मराठी वृत्तवाहिनीशी बोलताना ते म्हणाले, 'मला वाटतंय मुख्यमंत्र्यांनी धास्ती घेतलीये हे त्यांच्या वक्तव्यावरून दिसतंय. 'छात्रो की गुंज' राहुल गांधी कार्यक्रम घेत आहेत, विद्यार्थी, विद्यार्थ्यांनीशी संवाद साधत आहेत, कोटापासून हा कार्यक्रम सुरू झाला. हजारो युवत युवतींना राहुल गांधी आशेचा किरण दिसत आहे. हे सिद्ध झाले आहे.'

'ऑनलाईन पद्धतीने नोंदणी करायची आहे. फ्री टू ऑल असा हा कार्यक्रम आहे. याचं महाराष्ट्रात कॅम्पेनिंग याचं जोरात झालं आहे. कदाचित या धास्तीपोटी त्यांचं हे वक्तव्य असेल.', असा टोला देखील मुख्यमंत्री फडणवीस यांना सतेज पाटलांनी लगावला.

प्रधानांच्या राजीनाम्याचे त्यांना दु:ख

पुढे बोलताना ते म्हणाले, 'मुळात काँग्रेस पक्ष म्हणून आम्ही बॅनर त्या व्यासपीठावर लावले नाही. राहुलजींच्या माध्यमातून तटस्थ व्यासपीठ आम्ही विद्यार्थ्यांना देत आहोत. नीट मुद्दा देशात पहिल्यांदा कोणी मांडला असेल तर तो राहुलजींनी मांडला.'

'150 पेपर लीक देशात लीक झाले,हा मुद्दा राहुलजींना मांडला. राहुलजींनी तरुणाईचा विषय हातात घेतला आहे. ते त्यांना कुठंतरी खुपतंय आणि त्यांच्या आंदोलनामुळे धमेंद्र प्रधानांना राजीनामा द्यावा लागला, पहिली विकेट या सरकारची १२ वर्षात पहिल्यांदा पडली याचं दुःख त्या मंडळींना आहे.' असे ते म्हणाले.