Indurikar Maharaj News: तृप्ती देसाईंनी इंदूरीकर महाराजांना अक्षरश: झापलं; तुमच्या पोटात का दुखतयं..

Indurikar Maharaj vs Trupti Desai : कीर्तनकार इंदुरीकर महाराज यांनी दोन दिवसांपूर्वी एका किर्तनादरम्यान नृत्यांगना गौतमी पाटीलचं उदाहरण देत समाजाच्या बदलत्या मानसिकतेवर भाष्य केलं आहे. गौतमीच्या तीन गाण्यासाठी तीन लाख आणि आम्हाला टाळ वाजवूनही काही मिळत नाही. आम्ही किर्तनाला पाच हजार मागितले तर पैशाचा बाजार मांडल्याचा आरोप होतो. आष्टी तालुक्यातील तवलवाडी येथे कीर्तनात ते बोलत होते.

त्यानंतर इंदुरीकर आणि गौतमी पाटील प्रकरणात आता भूमाता ब्रिगेडनेदेखील उडी घेतली आहे.सामाजिक कार्यकर्त्या तृप्ती देसाई यांनी कीर्तनकार इंदुरीकर यांच्या आगपाखड करत त्यांचा समाचार घेतला आहे. आता गौतमी पाटीलला दिलेल्या मानधनामुळे तुमच्या पोटात का दुखतयं? असा प्रश्न देसाई यांनी विचारला आहे.

इतकेच नव्हे तर, एखादी महिला आपल्यापुढे गेलेली बघवत नाही म्हणूनच इंदुरीकरांनी गौतमी पाटीलवर टीका केली. असे मत तृप्ती देसाईंनी व्यक्त केले आहे. तसेच इंदुरीकर तुमचा ब्लॅकचा पैसा कुठे जातो, असा खडा सवाल देसाईंनी इंदुरीकरांना केला आहे.

दोन दिवसांपूर्वी इंदुरीकर यांनी कीर्तन करताना " तीन गाणे वाजवून तिला तीन लाख आणि आम्ही किर्तनाला पाच हजार मागितले तर पैशाची बाजार मांडलाय असा आरोप होतो, अशा शब्दात प्रसिद्ध किर्तनकार इंदुरीकर महाराजांनी गौतमीचं नाव न घेता तिच्यावर टिका केली होती. गौतमीच्या गाण्यांच्या कार्यक्रमात हाणामारी होते, काहींचे गुडघे फुटतात. पण आम्हाला टाळ वाजवूनही काही मिळत नाही. साधं संरक्षणही दिलं जात नाही, असं म्हणत इंदुरीकरांनी गौतमीवर निशाणा साधला.

गेल्या काही महिन्यांपासून नृत्यांगना गौतमी पाटील राज्यभरात चर्चेत आहे.सुरुवातील अनेकांनी गौतमी पाटीलचा विरोध देखील केला. पण अलीकडच्या काळात तिच्या गाण्यांच्या कार्यक्रमासाठी मोठी गर्दी जमू लागली आहे.या कार्यक्रमांमध्ये अनेकदा गोंधळ, हाणामारी पर्यंतचे प्रकार घडतात. त्यावरुनही गौतमीवर टिका होत असते.यात कीर्तनकार इंदुरीकर यांनीही तिच्यावर टिका केली. पण त्यांनी केलेली ही टिका त्यांच्यावरच उलटल्याचे दिसत आहे.