अनिल कस्पटे यांची लेक वैष्णवी हगवणे मृत्यू प्रकरणातील मुख्य आरोपी तिचा सासरा राजेंद्र हगवणे आणि दीर सुशील हगवणे यांना पिंपरी चिंचवड पोलिसांनी आज पहाटे पु्ण्यातील स्वारगेट परिसरातून अटक केली आहे. दोघेही सात दिवसापासून मोकाट फिरत होते.
या सर्व प्रकरणात वैष्णवीच्या बाळाचे खूप हाल झाले आहेत.वैष्णवीच्या बाळाला काल (गुरुवारी) कस्पटे कुटुंबियांकडे सुपूर्द करण्यात आले. नऊ महिन्याच्या या बाळाची प्रकृती बिघडल्याची माहिती समोर येत आहे. त्याला घेऊन त्याचे नातेवाईक रुग्णालयात गेले आहेत.
कस्पट कुटुंबियांकडे येण्यापूर्वी हे बाळ विविध पाच व्यक्तीकडे होते. या दरम्यान त्याला इंजेक्शन दिल्याचे दिसते. त्याचे बाळाच्या अंगावर त्याचे व्रण दिसत असल्याची माहिती नातेवाईकांनी दिली आहे. हे इंजेक्शन कसले होते, ते त्याला कुणी दिले, असे अनेक प्रश्न कस्पटे कुटुंबियांनी उपस्थित केले आहे.
वैष्णवी हगवणे आत्महत्या प्रकरणात पोलिसांनी आतापर्यंत सासू लता, नणंद करिष्मा, सासरा राजेंद्र, दीर सुशील यांना अटक केली आहे. मुख्यमंत्री देवेंद्र फडणवीस यांनी या प्रकरणाबाबत मोठं विधान केलं आहे. ‘या प्रकरणाचं गांभीर्य लक्षात घेता, पोलिसांनी योग्य कारवाई केली आहे. हे प्रकरण लॉजिकल एंडला नेण्यासाठी ज्या गोष्टी करायच्या त्या गोष्टी पोलीस करतील.’
मकोका लावणार का? यावर फडणवीस म्हणाले की मकोका लावण्यासाठी काही नियम आहेत. नियमात बसले तर मकोका लावू शकतो. पण मकोका लागेल की नाही हे आज सांगता येत नाही.
आज अटक करण्याच आलेल्या हगवणे बाप-लेकाला दुपारी न्यायालयात हजर करण्यात येणार आहे. वैष्णवी हगवणे प्रकरणात तिचा नवरा शंशाक याचा मित्र निलेश चव्हाण यांच्या विरोधात वारजे पोलीस ठाण्यात गुन्हा दाखल केला आहे.
वैष्णवीचं बाळ त्याच्याकडे ठेवलं असल्याचे पोलिस तपासात आढळले आहे. अशातच निलेशनेही त्याच्या पत्नीचा छळ केल्याचे समोर आले आहे. स्पाय कॅमेऱ्याच्या साहाय्याने तो पत्नीचे आक्षेपार्ह व्हिडीओ रेकॉर्ड केल्याबद्दल त्याच्याविरोधात 2019 मध्ये वारजे पोलिस ठाण्यात गुन्हा दाखल असल्याची माहिती आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.