Vaishnavi Hagavne : हगवणेंच्या सुनांवर निलेश चव्हाणचीही दादागिरी...बाळही होते त्याच्याकडेच; मोठ्या सुनेनं सांगितली छळाची कहाणी

Mayuri Hagavane on Vaishnavi Hagavne Death : वैष्णवीच्या जाऊ मयुरी हगवणे हिने प्रसारमाध्यमांशी बोलताना हगवणे कुटुंबावर गंभीर आरोप केले आहेत. अनेक गौप्यस्फोट देखील केले आहेत. हगवणे कुटुंबियांच्या अमानुष छळाची माहिती माध्यमांना दिली.
Mayuri Hagavane on Vaishnavi Hagavne Death
Mayuri Hagavane on Vaishnavi Hagavne DeathSarkarnama
Published on
Updated on

वैष्णवी हगवणे मूत्यू प्रकरणावरुन तिचा सासरा राष्ट्रवादी काँग्रेस (अजित पवार गट) पदाधिकारी राजेंद्र हगवणे याची पक्षातून हकालपट्टी करण्यात आली आहे.वैष्णवीच्या संशयास्पद मृत्यूनंतर हगवणे कुटुंबियाचे अनेक कारनामे बाहेर येत आहेत, हगवणे कुटुंबियांनी वैष्णवी यांचा शारीरिक आणि मानसिक छळ केल्याने तिनं आत्महत्या केली, असा आरोप वैष्णवींच्या कुटुंबियांनी केला आहे. याबाबत पोलिस तपास करीत आहे.

राजेंद्र हगवणे यांची मोठ्या सुनेने देखील हगवणे कुटुंबियांच्या अमानुष छळाची माहिती माध्यमांना दिली. वैष्णवीच्या जाऊ मयुरी हगवणे हिने प्रसारमाध्यमांशी बोलताना हगवणे कुटुंबावर गंभीर आरोप केले आहेत. अनेक गौप्यस्फोट देखील केले आहेत. वैष्णवीचा पती शशांक हगवणे याचा बिजनेस पार्टनर निलेश चव्हाण हाही आमच्यावर दादागिरी करायची, असे मयुरी म्हणाल्या.

निलेश चव्हाण हा पुण्यातील कर्वेनगर भागातील औदुंबर सोसायटीत राहायला आहे. वैष्णवीच्या मृत्युंनंतर तिचे बाळ घेण्यासाठी कस्पटे कुटुंबं चव्हाण यांच्या घरी गेले गोते. तेव्हा त्याने त्यांना बंदुकीचा धाक दाखवला. " तुमचा अन् आणि बाळाचा काही संबंध नाही, बाळाचा ताबा हवा असेल तर कोर्टात जा, असे म्हणून त्याने बंदूक दाखवल्याने कस्पटे कुटुंबिय येथून निघून गेले.

Mayuri Hagavane on Vaishnavi Hagavne Death
Vaishnavi Hagawane Case: वैष्णवी हगवणे मृत्यू प्रकरणाला नवे वळण; रूपाली चाकणकर यांनी दिली महत्त्वपूर्ण माहिती

वैष्णवी आणि मला हगवणे कुटुंबियांनी कधी एकत्र बोलू दिले नाही. वैष्णवीला मारहाण व्हायची, याची कल्पना मला होती. पण वैष्णवीचा नवरा येऊन मला मारायचा म्हणून मी काहीच करू शकले नाही', असं मयुरी म्हणाली.सासू, नणंद आणि पतीने वैष्णवीशी कधी बोलू दिलं नाही, असे मयुरीने सांगितले.

Mayuri Hagavane on Vaishnavi Hagavne Death
Vaishnavi Hagawane Case: वैष्णवी हगवणे मृत्यू प्रकरणात पोलिसांच्या हाती महत्त्वाचे पुरावे; शवविच्छेदन अहवालातील A to Z माहिती

माझ्या नवऱ्याला त्यांच्या कुटुंबियांनी खूप त्रास दिला, दुय्यम वागणूक दिली. ही मुलगी खूप आगाऊ आहे. तू हिला सोडून दे, श्रीमंत घराण्यातील मुलीशी तुझं दुसरं लग्न लावून देऊ, असे माझे सासरचे लोक माझ्या नवऱ्याला सांगायचे. ते म्हणायचे की मी तुम्हाला सोडून देईल, पण बायकोला कधी सोडणार नाही.

पण माझ्या नवऱ्याने मला खूप साथ दिली. या रागातून ते मला आणि माझ्या नवऱ्याला खूप छळायचे. "ते स्वत:च्या मुलाला कधी समजू शकले नाही, तुला काय समजून घेतील, असे सांगत माझे पती माझ्यासमोर ढसाढसा रडले होते, असे मयुरी हगवणे यांनी त्यांच्यावर झालेल्या छळाची कहानी सांगितली.

सासरा, सासू, पती, दीर, नणंद सगळेच वैष्णवीचा छळ करायचे.वैष्णवीने मैत्रिणी सोबत केलेल्या चॅटिंगमध्ये या सगळ्यांचा उल्लेख केलाय. त्यामुळे हगवणे फॅमिली किती क्रूर होती, हे लक्षात येते. हे सर्व वैष्णवीच्या व्हॉट्सॲप चॅटिंगमधून समोर आले आहे.

धुमधडाक्यात लग्न,आलिशान फॉर्च्युनर गाडी, चांदीची भांडी, ५१ तोळे सोनं दिल्यानंतरही 16 मे रोजी वैष्णवीने आपलं जीवन संपवलं. या प्रकरणात वैष्णवीचा नवरा, शंशाक, त्याची आई आणि बहीणीला अटक केली आहे.

सरकारनामाचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com