Vasant More News : महापालिका निवडणुकीत पुणे शहरात भाजपचा विजयाचा रथ चौफेर दौडला. भाजपने मोठा विजय मिळवत 110 चा आकडा पार केला. विरोधी पक्षातील अनेक दिग्गजांना पराभवाचा झटका लागला. या मध्ये सर्वाधिक चर्चा झाली ती शिवसेना उद्धव बाळासाहेब ठाकरे पक्षाचे उमेदवार वसंत मोरे यांच्या पराभवाची.
वसंत मोरे हे त्यांच्या हटके आंदोलनाच्या स्टाईलमुळे नेहमी चर्चेत असतात. सोशल मीडियावर देखील ते सक्रीय असून ते करत असलेल्या आंदोलनाची माहिती ते सोशल मीडियातून देत असतात. फेसबूकवर त्यांना सहा लाखा पेक्षा अधिक फाॅलोअर्स आहेत. त्यामुळे ते निवडणूक लढत असलेल्या बालाजीनगर-आंबेगाव-कात्रज या प्रभाग क्रमांक 38 मध्ये ते लढत असलेल्या जागेवर त्यांना किती यांची अनेकांना उत्सुकता होती.
भाजपचे उमेदवार व्यंकोजी खोपडे यांनी 21 हजार 878 मतं मिळवत विजय साकारला. तर त्यांच्या विरोधात असलेल्या वसंत मोरे यांना 20 हजार 867 मतं मिळाली. त्यामुळे मोरे यांना 1 हजार 11 मतांनी पराभव स्वीकारावा लागला. खोपडे यांनी विजयानंतर दंड थोपटत विजय साजरा केला. तसेच राज्यमंत्री मुरलीधर मोहोळ यांची भेट घेत त्यांचे आभार मानले.
वसंत मोरे यांनी सोशल मीडियावर पोस्ट करत म्हटले आहे की, चार वर्ष पुणे शहरात कोणतेही पद नसताना 2022 ते 2026 गरीब मायबाप जनतेचा आधार बनून होतो. आणि आता तर 20 हजार 867 पीडित, शोषित, प्रमाणिक जनतेने आशीर्वाद दिला आहे परिणाम तर भोगावे लागतील ना.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.