Shirur Politics : विधानसभेत वाबळेवाडीच्या शाळेसंबंधी चुकीची आणि दिशाभूल करणारी माहिती दिल्याप्रकरणी आमदार अशोक पवारांच्या अडचणी वाढण्याची शक्यता आहे. गुरूवारी वाबळेवाडीच्या शाळेत २५ हजार रुपये घेऊन प्रवेश दिला जातो, असा आरोप पवार यांनी विधानसभेत केला होता. पण त्यांनी चूकीची माहिती दिल्याचे सांगत वाबळेवाडीच्या ग्रामस्थांनी आक्रमक पवित्रा घेत आमदार अशोक पवार यांना गावात प्रवेश न देण्याचा निर्णय घेतला आहे.
शिरूर येथील वाबळेवाडी शाळेप्रकरणी आज ग्रामस्थांनी तातडीने पालक ग्रामसभा घेत आमदार अशोक पवारांना गावबंदी करण्याचा निर्णय घेतला. आमदार अशोक पवार यांनी वाबळेवाडीच्या शाळेचा प्रश्न चुकीच्या पद्धतीने मांडल्याने वाबळेवाडी ग्रामस्थ चांगलेच आक्रमक झाले आहे. इतकेच नव्हे तर, या पुढे वाबळेवाडीबद्द्ल बोलालात तर पुणे नगर महामार्गावर त्यांच्या प्रतिमेस जोडे मारो आंदोलन तर करुच शिवाय दिसतील तिथे त्यांच्या तोंडाला काळे फासू, असा इशाराच वाबळेवाडीच्या महिलांनी दिला आहे.
अशोक पवार यांनी गुरुवारी विधानसभेत वाबळेवाडी जिल्हा परिषद शाळेत सर्रास २५ हजार प्रवेश फी घेऊन विद्यार्थ्यांना प्रवेश दिले जातात आणि मुख्याध्यापकांसह बाहेरच्या दोन व्यक्ती हे पैसे स्वीकारतात.याशिवाय सीएसआर मार्फत होणा-या कामाच्या फंडाचा हिशोब जिल्हा परिषद देत नाही. वाबळेवाडीतील १०-२० मुलेच स्थानिक आणि बाकी धनदांडग्यांची मुले या शाळेत जात असल्याचा दावा आमदार पवारांनी केला होता. पण ही सर्व माहिती खोटी आणि दिशाभूल करणारी असल्याचे सांगत वाबळेवाडीतील ग्रामस्थ-पालकांनी तातडीची पालकसभा घेत पवारांना गावबंदी घातली आहे.
याशिवाय, घोडगंगा कारखान्याच्या कामगारांचे आधी पगार द्या मग आम्ही शाळेकडे बघा, शाळेला कधीही मदत न करता त्यांनी शाळेची बदनामी केली.बाहेरच्या ठेकेदाराला तक्रारदार म्हणून उभे करुन त्याच्यामार्फत शाळेला बदनाम केल्याचा आरोपही ग्रामस्थांनी यावेळी केला. आमदार पवारांचा जाहीर निषेध करत त्यांना यापुढे वाबळेवाडीत गावबंदीचा निर्णय घेत असल्याचे जाहीर केले. याशिवाय यापुढे वाबळेवाडीबद्द्ल बोलाल तर तोंडाला काळे फासू, असा इशाराच वाबळेवाडीच्या महिलांनी दिला आहे.
Edited By- Anuradha Dhawade
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.