Chinchwad By-Election : तुम्ही तर जगतापांच्या भावकीत, त्यांना कशी लढत देणार? अजितदादांच्या प्रश्नावर इच्छुक म्हणाला...

Chinchwad By-Election : राष्ट्रवादी कँग्रेसचे नेते व विरोधीपक्ष नेते अजित पवार (Ajit Pawar) यांनी काल चिंचवड पोट-निवडणुकीसाठी पक्षातील इच्छुकांच्या आपल्या स्टाईलने मुलाखती घेतल्या.त्यातून त्यांना या शहराचीच नाही,तर आपले नेते,पदाधिकारी, कार्यकर्त्यांचीही खडानखडा माहिती त्यांना कशी आहे,याचा पुन्हा एकदा प्रत्यय आला.

दरम्यान, इच्छुक उमेदवारांमध्ये चिंचवडचे दिवंगत आमदार लक्ष्मण जगताप यांच्याशी भावकी असलेले राजेंद्र जगताप यांचीही मुलाखत अजित पवार यांनी घेतली. मुलाखत घेताना अजित पवार हे राजेंद्र जगतापांना म्हणाले की, "तुम्ही लक्ष्मण जगतांपांच्या भावकीतले, मग भाजपच्या जगतापांना कशी लढत देणार? कशी तयारी आहे तुमची? असा थेट प्रश्न अजित पवारांनी राजेंद्र जगतापांना केला.

या प्रश्नावर उत्तर देताना जगताप म्हणाले की, आमची भावकी असली तरी, भावकीला नाही तर पक्षाला महत्व देतो व देणार, असे उत्तर राजेंद्र जगताप यांनी दिले. मुलाखत झालेल्यांमध्ये अनेक इच्छुक उमेदवारही होते. यावेळी, नाना काटे, माया बारणे, मोरेश्वर भोंडवे, मयूर कलाटे, प्रशांत शितोळे, नवनाथ जगताप, अॅड. गोरक्ष लोखंडे यांनीही ही मुलाखत दिली.

चिंचवडचे भाजप आमदार लक्ष्मण जगताप यांच्या निधनामुळे ही निवडणूक होत आहे. तेथून राष्ट्रवादी काँग्रेससकडून ११ इच्छूक आहेत. त्यांच्या मुलाखती अजितदादांनी काल पुण्यात घेतल्या. यामध्ये त्यांचा मन, मत व तयारीही त्यांनी जाणून घेतली.

तसेच, ही जागा लढणार असल्याने तयारीला लागण्याचा आदेश त्यांनी दिला. या निवडणुकीत ज्यांच्या प्रभागात कमी मते पक्षाला पडतील त्यांना आगामी पालिका निवडणुकीत संधी देणार नसल्याचा सज्जड इशाराही अजितदादांनी यावेळी अजितपवारांनी आपल्या स्टाईलमध्ये दिला.