Ladki Bahin Yojana : मागील काही दिवसांपासून सुरु असलेली मुख्यमंत्री माझी लाडकी बहीण योजनेतील लाभार्थ्यांची प्रत्येक निकषांनुसार पडताळणी पूर्ण झाली आहे. यात आतापर्यंत 40 लाख 28 हजार महिला अपात्र ठरल्या आहेत. या अपात्र लाभार्थ्यांनी मागील आतापर्यंत सरकारला आतापर्यंत हजारो कोटी रुपयांचा चुना लावला आहे. ही रक्कम 7 हजार कोटी रुपयांच्या घरात असावी, असे एका वरिष्ठ अधिकाऱ्याने सांगितले आहे.
विधानसभा निवडणुकीपूर्वी 1 जुलै 2024 पासून सरकारने लाडकी बहीण योजनेची सुरुवात केली आहे. सुरुवातीला अपेक्षेपेक्षा जास्त अर्ज आले. पण निवडणुकीच्या धामधुमीत सरकारने याकडे दुर्लक्ष करत सरसकट सर्वांनाच लाभ दिला. पण निवडणूक संपताच अर्जदारांची पडताळणी मोहीम सुरु केली. मागील पाच महिन्यांत लाभार्थीची पडताळणी करून अपात्र लाभार्थीचा शोध घेण्यात आला. यात आतापर्यंत 40 लाख 28 हजार महिला अपात्र ठरल्या आहेत.
14 हजार 298 पुरुष लाभार्थी, 2 हजार 289 सरकारी नोकरदार महिला, 2 लाख 32 हजार संजय गांधी निराधार योजनेच्या लाभार्थी महिला, 1 लाख 10 हजार 65 वर्षांवरील महिला, 4 लाख एका कुटुंबातील महिला, सव्वादोन लाख चारचाकी वाहन असलेल्या महिला या योजनेचा लाभ घेत होत्या. या सर्वांना या योजनेतून अपात्र ठरविण्यात आले आहे. हे पडताळणीतून स्पष्ट झाले. याशिवाय कुटुंबाचे वार्षिक उत्पन्न अडीच लाखापेक्षा जास्त आहे, त्या महिलांच्या नावापुढे 'FSC' (फायनान्शियल स्ट्रॉंग कंडिशन) असा शेरा मारून त्यांचा लाभ बंद करण्यात आला आहे. आतापर्यंत 1 लाख 60 हजार महिलांनी स्वतःहून लाभ नाकारला.
नमो शेतकरी महासन्मान निधी योजनेतील सुमारे 14 लाख महिला शेतकरी, ज्या लाडकी बहीण योजनेच्या लाभार्थी आहेत, त्यांचा लाभ दरमहा एक हजार रुपयांनी कमी केला आहे. या महिलांना आता लाडकी बहीणमधून दरवर्षी 18 हजारांऐवजी 6 हजार रुपयेच मिळणार आहेत. नमो शेतकरी महासन्मान निधी योजनेचे एक हजार आणि लाडकी बहीण योजनेचे 500 रुपये असे दीड हजार रुपये या महिलांना मिळणार आहेत.
लाडकी बहीण योजनेसाठी सुरुवातीला 2 कोटी 59 महिला लाभार्थी ठरल्या होत्या. या महिलांना लाभ देण्यासाठी शासनाला दरमहा 3 हजार 885 कोटी रुपये आवश्यक होते. त्यानुसार सुरुवातीला या योजनेसाठी 46 हजार कोटी रुपयांची तरतूद करण्यात आली होती. आता पडताणीनंतर सुमारे 2 कोटी 19 लाख महिला पात्र ठरल्या आहेत. आता शासनाला दरमहा 3 हजार कोटी रुपयांची आवश्यकता आहे. त्यानुसार आता वार्षिक 36 हजार कोरटी रुपयांची तरतूद करण्यात आली आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.