Owaisi on Pakistan : आता ओवेसींनीही केली पाकिस्तानची पोलखोल; जाणून घ्या, नेमकं काय म्हटलं आहे?

AIMIM Chief Asaduddin Owaisi Slams Pakistan : भारत पाकिस्तान तणावाच्या पार्श्वभूमीवर एमआयएम पक्षाचे प्रमुख असदुद्दीन ओवेसी यांनी पाकिस्तान सैन्याकडून कुराण मधील आयतचा कथितरित्या दुरुपयोग केला गेल्याचा आरोप केला आहे. याशिवाय ओवेसींनी पाकिस्तानी सैन्याच्या ऑपरेशन बुनयान-उल-मरसूर वर प्रश्न उपस्थित करत, याला धार्मिक प्रतीकांचा राजकीय वापर असे संबोधले आहे.

ओवेसींनी सोशल मीडिया प्लॅटफॉर्म एक्सवर पोस्ट करत म्हटले की, पाकिस्तानी फार मोठे खोटारडे आहेत. 'बुनयान-अल-मरसूस'चा चुकीचा अर्थ काढत आहेत. ही कुराणमधील ती आयत आहे, ज्यामध्ये अल्लाहने म्हटले आहे की, जर तुम्ही त्यावर प्रेम करत असाल तर भिंतीप्रमाणे उभा रहा. परंतु तीच आयत हेही सांगते की, तुम्ही अशा गोष्टी का बोलतात ज्या तुम्ही करत नाहीत.

याशिवाय ओवेसींनी १९७१मधील बांगलादेश युद्धाचा संदर्भ देत, पाकिस्तानी सैन्याच्या हेतूवरही प्रश्न उपस्थित केले. त्यांनी विचारले की, जेव्हा पूर्व पाकिस्तानात बंगली मुस्लिमांवर गोळ्या चालवल्या जात होत्या, तेव्हा काय ते भिंतीसारखे उभा राहणं विसरले होते?

ओवेसींनी पाकिस्तनाच्या द्विराष्ट्र सिद्धांतावरही प्रहार केला. त्यांनी म्हटले की, भारतात आज २३ कोटींपेक्षा अधिक मुसलमान राहतात, आणि आम्ही जिन्नांचा द्विराष्ट्र सिध्दांत फेटाळला होता. आम्ही भारतीय आहोत, येथे राहू. पाकिस्तान वारंवार धर्माच्या नावावर आमच्यात फूट पाडू इच्छितो, परंतु आम्ही असं कधीही होवू देणार नाही.

याशिवाय ओवेसींनी पाकिस्तानवर अफगाणिस्तान आणि इराणच्या सीमेवर देखील बॉम्बफेक केल्याचा आरोप केला आणि म्हटले की, पाकिस्तानचे डीप स्टेट इस्लामचा एका मुखवट्याच्या रूपात वापरत करून, दहशतवादास प्रोत्साहन देत आहेत. हे ७५ वर्षांपासून भारताविरोधात कायम सुरू आहे.

(Edited by - Mayur Ratnaparkhe)