ED Summons Lalu Prasad: ED कडून आज माजी मुख्यमंत्र्यांच्या कुटुंबाची होणार झाडाझडती; काय आहे प्रकरण

बिहारची राजधानी पाटना येथून मोठी बातमी समोर येत आहे. माजी मुख्यमंत्री राबडी देवी यांना आज ईडीने चौकशीसाठी बोलवलं आहे. जमीन द्या, नोकरी घ्या, या प्रकरणात राबडी देवी यांची चौकशी होत आहे.

सुत्रांच्या माहितीनुसार, राबडी देवी यांचे सुपुत्र तेजप्रताप यादव आज चौकशी होणार आहे. तर लालू प्रसाद यादव यांची उद्या चौकशी होण्याची शक्यता आहे. जमिनीच्या बदल्यात नोकरी देण्याचे आमिष दाखवल्याप्रकरणी लालू प्रसाद यादव यांच्या परिवाराला ईडीने नोटीस पाठवली आहे.

यापूर्वीही 29 जानेवारी रोजी ईडीने लालू प्रसाद यादव यांची या प्रकरणी 10 तास चौकशी केली होती. वर्षभरापूर्वी तेजप्रताप यांची चौकशी झाली होती. आज आई सोबत त्यांची पुन्हा चौकशी होणार आहे.

दिवसेंदिवस लँड फॉर जॉबच्या प्रकरणात लालू यादव यांच्या अडचणी वाढतच आहेत. यापूर्वी सीबीआयच्या पथकाने लालू यादव यांची दिल्लीत चौकशी केली होती. याआधी सीबीआयने या प्रकरणात लालूप्रसाद यादव आणि राबडीदेवी यांचीही चौकशी केली होती

काय आहे प्रकरण

२००४ ते २००९ मधील हा प्रकार आहे. लालू प्रसाद यादव तेव्हा रेल्वेमंत्री होते. त्यांनी आपला पदाचा गैरउपयोग करुन १२ जणांना रेल्वेत ग्रुप डीमध्ये नोकरी दिली होती. यातील सात जणांना जमीनीच्या बदल्यात नोकरी दिल्याचे चौकशीत आढळले आहे.

रेल्वेचे तत्कालीन व्यवस्थापकीय संचालक सौम्या राघवन, सीपीओ कमलदीप मैनराय, लाभार्थी राजकुमार सिंह, मिथिलेश कुमार, अजय कुमार, संजय कुमार, धर्मेंद्र कुमार, विकास कुमार, अभिषेक कुमार रवींद्र राय, किरण देवी, अखिलेश्वर सिंह, रामाशीष सिंह याचा या प्रकरणात समावेश आहे.